штуро (прил.)
Дај природо, мојот живот да е далеку од секо штуро примирување.
„Слеј се со тишината“
од Ацо Шопов
(1955)
Но гласот на Глигор му ги дереше ушите и ги гонеше магловините од неговата свест и ја разголуваше болката за нешто загубено без што овде е штуро и неподносливо.
„Пустина“
од Ѓорѓи Абаџиев
(1961)
Тој беше пак тука во бучните солунски кафеани, тајни квартири, се весели во ресторанот Алхамбра, и штуро им ракоплеска на шансонерките од Пиколомини.
„Пустина“
од Ѓорѓи Абаџиев
(1961)
Тукушто се ослободи од своето штуро бладање.
„Пустина“
од Ѓорѓи Абаџиев
(1961)
И сега сѐ ја губеше достојноста за напнување и остануваше попусто и штуро.
„Белата долина“
од Симон Дракул
(1962)
Штуро е душата себе си да се моли Разбранета ноќ да ве врати Низ маслинките земјата кон морето кога трчала.
„Камена“
од Анте Поповски
(1972)
Сѐ така ми гледа штуро по него, како го водат надолу низ полето, подлокано и празно.
„Пиреј“
од Петре М. Андреевски
(1983)
„Го најдов на веб-страницата на Family Tree. Штуро. Само презимето и името и датумот кога е отпуштен од болница. Операција на слепо црево.
„Продавница за љубопитните“
од Мето Јовановски
(2003)
Се почувствував уште попразно. Штуро.
„Захариј и други раскази“
од Михаил Ренџов
(2004)
Мало беше на прв поглед тоа поприште, штуро за непосветените, - шеесет и четири црно-бели полиња на една плоча што можеш да ја носиш под мишка.
„Послание“
од Блаже Конески
(2008)
Кога ги изнесува во преден план прашањата за родовата ориентација, конкретно „несообразноста со родовата улога“ и „родовата нетипичност“, како признаци на „природите на геј- мажите“ (барем на природите на оние мажи што се „насочени кон зачувување“; 243) и кога штуро се зафаќа со прашањата за сексуалноста, Фелоус без колебање упатува на авторитетна поткрепа во некои претходни теории за хомосексуалноста, и тоа од викторијанскиот период, кои геј- мажите ги дефинирале како женски души во машки тела, како припадници на трет пол или на меѓупол.
„Како да се биде геј“
од Дејвид Халперин
(2019)
Во такви околности, не е некакво изненадување што многумина геј- (или протогеј-) субјекти им се опираат на приговорите од традиционалните кодови на мажественоста и женственоста или што гледаат штуро значење за себе во културните облици и активности кои таквите кодови ги обојуваат како традиционално мажествени или женствени.
„Како да се биде геј“
од Дејвид Халперин
(2019)
