трема (ж.)
Ја прифаќаат топката и фрлаат кон кошот. Веројатно имаат трема.
„Клучарчиња“
од Бистрица Миркуловска
(1992)
ГОРЕ: Стално пее вака или сега има трема?
„Буре барут“
од Дејан Дуковски
(1994)
Погодноста на контекстот се одразува во физичките состојби на учесниците на сеансата, вклучувајќи ја и активноста на автономниот нервен систем (потење, трема, тресење), положбата, брзината и длабочината на дишењето, состојбата на тонусот на мускулите и така натаму.
„МАРГИНА бр. 6-7“
(1994)
При првите тактови, при првите чекори, од трема ли, од возбуда ли од тоа што одамна не играл, Богдан не беше сигурен во чекорите, грешеше.
„Животраг“
од Јован Стрезовски
(1995)
Во просторијата владее тишина поради чувството на неудобност кај публиката и тремата што ги имаше обземено членовите на Дисциплинската комисија.
„Продавница за љубопитните“
од Мето Јовановски
(2003)
- Да... - нечујно потврди таксистот, речиси чувствувајќи трема.
„Човекот со четири часовници“
од Александар Прокопиев
(2003)
Околу таа црвена дамка само уште денес, и можеби најдоцна до утре, ќе се збираат неизлечивите љубопитници: ќе стојат со рацете во џебовите и одвреме-навреме со малку смртна трема ќе погледнуваат угоре обидувајќи се да го измерат тој пат на ужасот од работ на терасата па сѐ до врвовите на нивните чевли, и притоа ќе се трудат да останат на разумна оддалеченост од грдите белези на смртта.
„Летот на Загорка Пеперутката“
од Србо Ивановски
(2005)
Виде дека има трема оти воопшто не ја погледна в очи, туку си ги кршеше прстите и со некоја полукашлица си го прочистуваше грлото.
„На пат кон Дамаск“
од Елизабета Баковска
(2006)
Не знаев како да чистам вакво месо и бидејќи љубопитно ме гледаа имав уште поголема трема.
„Чкртки“
од Румена Бужаровска
(2007)
Од трема, Ѓорѓија воопшто не забележа ни како беше облечена Французинката.
„Чкртки“
од Румена Бужаровска
(2007)
Помнењето е хазард
коцкање во кеш, сѐ или ништо
артикулација на митскиот образ
трема пред совршената форма
на праобразот, затоа запомнатото мами
колку и заборавеното!
„Ерато“
од Катица Ќулавкова
(2008)
„Да! Овде! На брегов! Онолкупати колку што талазите ѕвезди на песокта ќе свртат Колку што мудроста на рибарот ќе ослободи зборови од тремата на смртта".
„Посегање по чудесното“
од Србо Ивановски
(2008)
Ќе речат: си поминал одовде со иста трема пред да зачекориш по тенките скалила кон последниот прозорец (а сакаше само срцата на луѓето да ги ископаш од правта и да ги кажеш нивните тајни)***
„Посегање по чудесното“
од Србо Ивановски
(2008)
Погледнете ѝ во очи на осамата Погледнете ги слабоста и мааната Посакајте ги совеста и доблеста Не е животот чаура тесна Ниту енигма за вас прелесна Улогата ваша никогаш до крај не е доиграна Не поклонувајте се пред време Завесата сѐ уште не е спуштена Сѐ уште не сте спремен Да чекорите без трема Да излезете од закоравената лушпа Во која со векови се дреме...
„Сите притоки се слеваат во моето корито“
од Марта Маркоска
(2009)
Имав трема пред сѐ поради одговорноста што лежеше врз мене.
„На пат со времето“
од Петре Наковски
(2010)
Очигледна ѝ беше намерата како да ја разбие неговата трема.
„Последната алка“
од Стојан Арсиќ
(2013)
Рада од чашата црвено вино отпи неколку поголеми голтки за да ја разбие тремата и полесно да го одврзе јазикот.
„Последната алка“
од Стојан Арсиќ
(2013)
