трагикомичен (прид.)
Од тој миг почнува нивната трагикомична одисеја, која всушност, претставува и временска рамка на ова романескно дело.
„Будалетинки“
од Мето Јовановски
(1973)
Можеби е и неможно да се стори нешто околу сето тоа, но начинот на однесување според кој нешто и може да се стори а упорно не се прави е навистина трагикомичен.
„МАРГИНА бр. 26-28“
(1996)
Настаните кои се одвиваа ми личеа на трагикомичен карневал кој се одвиваше на најзатворената балканска граница.
„Атеистички музеј“
од Луан Старова
(1997)
Вариациите, понекогаш налик на оние во музиката, одекнуваат во неколку негови прозни дела, па и во неговото веројатно најпопуларно дело, кусиот роман Казнување на беби-ситерката (1982), во кој Кувер на трагикомичен начин се впушта во едно длабоко истражување на садистичкото искуство, варирајќи еден единствен настан во текот на целиот текст.
„МАРГИНА бр. 35“
(1997)
Колку ли пати во ова макабрично патување, во трагикомичниот балет на сенките на водичите, во близината препознавав луѓе од мајчина и таткова рода како ми се приближуваат, но не го чинат последниот чекор до мене, а и јас останувам нерешителен на тоа.
„Атеистички музеј“
од Луан Старова
(1997)
Минатото е ниска од за’рѓани алки
потресни собитија
единствени по своите
димензии, па и тежест
како на пример –
масовни ослепувања
оргии во знак на освета
погроми, пожари, помори
земјотреси, ерупции
покрстувања, исламизација
елинизација
царство на конверзиите
на озаконети незаконитости
родоскверности, чедоморства
завери и трагикомични
сценарија,
сѐ на сѐ
ОВДЕ
историјата е
горопадна
гротеска …
„Ерато“
од Катица Ќулавкова
(2008)
Заедно со ова трагикомично привидение низ мојата фантазија протрчуваа и оние други слики и дребулии што обично се јавуваат додека жените ни објаснуваат со какви тешкотии биле поврзани нивните подготовки за излегување.
„Желките од рајската градина“
од Србо Ивановски
(2010)
