надвладее (св.)
Ке се бориме дури сме живи и не пуштаме да ни ја поганат светата земја и вера. – А не се плашите дека ќе ве надвладеат?
„Калеш Анѓа“
од Стале Попов
(1958)
Најпосле умората надвладеа и тој заспа.
„Пустина“
од Ѓорѓи Абаџиев
(1961)
Во колку се случи да надвладее тој остер ветер, не ќе може ни да се помисли барем малку да се поработи со бичкијата, а тоа беше она најважното, за кое што тој и беше дојден овде.
„Белата долина“
од Симон Дракул
(1962)
Беше тоа еден немирен ден, и тој полека ги откриваше ветровите, што се бореа за надвладување со него.
„Белата долина“
од Симон Дракул
(1962)
Да се надвладее видливото за да му служи на невидливото – еве го живото на поетот“.
„Љубопис“
од Анте Поповски
(1980)
Непријател кој тој ќе го надвладее само преку запознавањето.
„Љубопис“
од Анте Поповски
(1980)
По цел ден биле на градилиште, работеле и над нормата, а веднаш по работниот ден, кој понекогаш траел и по дваесет часа, се враќале во хотелот и, од умор, немале време ниту да се навечераат. Сонот го надвладувал и гладот.
„Патувања“
од Никола Кирков
(1982)
Страстите пак надвладуваат. Влегувате во лудиот натпревар. Сите возат брзо па и ти самиот го правиш тоа...
„Патувања“
од Никола Кирков
(1982)
Ете населба, то ест место, каде што христијанската верска догма не успеала сосема да ги надвладее паганството и митологијата, туку приопштувајќи се кон нив и испреплетувајќи се со нив, со нивните обичаи и празнувања се натоврила како со бесцени камења, и историјата, припокривајќи сосе малтер на легенди и преданија, печалела за други, за завојувачите, додека за тукашните ги резервирала страдањата, прогонствата и истребувањето, а заедно со нив правото на бој и правото од сето тоа да разгрнат епски духовни мегдани, кои, во текот на времето, неуките но интелегентни души на жителите на Потковицата ќе ги преобратат во фактичка своја историја и врз неа ќе прикрепат една колку рурална толку здрава и чиста егзистенција, која, пак, несполуките и поразите, кои се јавуваат како негација на сѐ живо и движно, ќе ги извиши на рамништето на својата вера во опстанокот и тука ќе ги озакони како судбински збиднувања во човековото битисување во овие краишта.
„Потковица на смртта и надежта“
од Миле Неделкоски
(1986)
Јанческата приказна, за божемното насилно Бошово заминување од Потковицата, сосема беше надвладеана од таа за Бошета и за свети Јован Крстител.
„Потковица на смртта и надежта“
од Миле Неделкоски
(1986)
Само што ме надвладеа сонот, вратата се подотвори сама од себе.
„Јас - момчето молња“
од Јагода Михајловска Георгиева
(1989)
Нас децата, блажени од среќен замор, бргу нѐ надвлада сонот.
„Времето на козите“
од Луан Старова
(1993)
Поделбата не била безусловна: имало места - книги, имено - каде што луѓето можеле да ја надвладеат својата раситнетост во милијарди локални духови.
„МАРГИНА бр. 6-7“
(1994)
Тој е очигледен во мисионерскиот полет на христијанството, или во Виландовата изрека дека “само вистинскиот космополит може да биде добар граѓанин”,6 или во уверувањето дека науката и рационалноста се добри за сите култури и дека на крајот ќе надвладеат насекаде.
„МАРГИНА бр. 11-12“
(1995)
Тоа значи дека долгорочната перспектива ја надвладее краткорочната.
„МАРГИНА бр. 21“
(1995)
Но Фаик Коница придонесе со своето дело, особено со своето француско-албанско списание „Албанија”, издавано во тек на десет години во Брисел и во Лондон, по долготрајното отоманско време во Албанија да надвладее влијанието на европската култура и цивилизација.
„Атеистички музеј“
од Луан Старова
(1997)
Но, не за долго. Ќе надвладее аветот на сталинизмот, пролетерскиот интернационализам.
„Атеистички музеј“
од Луан Старова
(1997)
Модерната уметност сѐ уште не го надвладеала сукобот предизвикан од брзата и делотворна асимилација на историските авангардни движења во системите на тоталитарните држави.
„МАРГИНА бр. 36“
(1997)
Нејзината глава му почиваше на рамото, пријатниот мирис на нејзината коса ја надвладуваше смрдеата од изметот на гулабите.
„1984“
од Џорџ Орвел
(1998)
Потоа ненадејно, додека ги зацврстуваше бедните крпи околу себе, го надвладеа чувството на сожалување над сопственото уништено тело.
„1984“
од Џорџ Орвел
(1998)
