маало (ср.)
— Море, каде вака, Крле, Горно мало? — го запраша слободната Бојана Катина, која со сите ергени правеше разговор и секого го задеваше — и што треба, и што не треба. Крсте поцрвене како рак.
„Крпен живот“
од Стале Попов
(1953)
И една вечер се собраа кај Цицовица, Горно маало, во Бешишта и се спремија да им одат на непокорните „Бугари“ во Полчишта.
„Крпен живот“
од Стале Попов
(1953)
Разбраа и Бисера и Тода, и двете со трчанка слегоа Долно маало да ги видат Тода татка си, Бисера брата си.
„Крпен живот“
од Стале Попов
(1953)
Зашто тие двајцата во едно маало растеле, другарувале, комити заедно биле, залакот леб што се вели, го делеле.
„Луман арамијата“
од Мето Јовановски
(1954)
Оттука до првото маало на малото село, секое патче се губи во неплодна скрка и полусуви горници.
„Кловнови и луѓе“
од Славко Јаневски
(1956)
Не можеше да оди ни до маалската фурна, а да не ја озборуваат.
„Бојана и прстенот“
од Иван Точко
(1959)
Сѐ што знае тоа се неговите познајници од маалото, чаршијата и селаните пазарџии кои доаѓаат во пазарните денови.
„Пустина“
од Ѓорѓи Абаџиев
(1961)
- Држете го бре! Ураа - држете го! - викаа по него децата од Варош - маалото...
„Гоце Делчев“
од Ванчо Николески
(1964)
Гоце ги виде своите другари од маалото - Коце и Тасе и им пристапи.
„Гоце Делчев“
од Ванчо Николески
(1964)
Но, тој пронашол дека мајка му го родила кај тетка му, која живее во центарот на горно маало.
„Дружината Братско стебло“
од Јован Стрезовски
(1967)
Децата трчаат наваму, натаму, давајќи му поголема веселост и раздвиженост на овој собир, жените одат една до друга, си разменуваат парчиња погачи, сирење, варено жито, а мажите, распоредени по маали, седат на зелената трева во големи кругови.
„Бојан“
од Глигор Поповски
(1973)
Илија си зачури со цигарето и покрај мелот, по тесното патче, се приближи крајната куќа од долното маало.
„Толе Паша“
од Стале Попов
(1976)
Затоа и мулазимот оваа ноќ постави стража и одреди патрола само за долно маало каде беше сместен аскерот и тој.
„Толе Паша“
од Стале Попов
(1976)
Цело село, и горно, и долно маало ги виде каде отидоа.
„Толе Паша“
од Стале Попов
(1976)
Загатката беше решена дури другото утро кога, минувајќи покрај истата ограда, погледнав преку неа во дворот и забележав мали куќички, за маалските, „безспризорни“ мачки.
„Патувања“
од Никола Кирков
(1982)
Луѓето и после умираа, денеска еден, утре - друг. Вчера Горно Маало, утре Долно Маало.
„Пиреј“
од Петре М. Андреевски
(1983)
Се разбира, не му реков дека по малку се плашам од тоа негово Маџир - маало. А, ако се загубиме двајцата?
„Јас - момчето молња“
од Јагода Михајловска Георгиева
(1989)
- Каква стара куќа какво Маџар- маало! На нејзино место се оние огромни банкишта, зарем не знаеш?
„Јас - момчето молња“
од Јагода Михајловска Георгиева
(1989)
Кртот многу додеваше во своето маало и голем страв имаа од него.
„Последниот балкански вампир“
од Дејан Дуковски
(1989)
Кога попладнето отидов кај Нешко на Мија Метелов од Долно Маало, стрико Мијо го најдов како ги обува опинците и со ремичките на крст ги врзува и стега белите објала до под колениците.
„Крстот камбаната знамето“
од Мето Јовановски
(1990)
