запечати (св.)
Ќе дојдат ли со вас и мнозина пљачкаши стрвни, - вас ќе ве дочека смело, со божјата помош во борба со душмани крвни в крв ќе запечати дело.
„Сердарот“
од Григор Прличев
(1860)
Попосле ова братство го запечатија и јавно, фаќајќи се тројцата свети Јовани во црквата.
„Крпен живот“
од Стале Попов
(1953)
Клечеше пред иконата на свети Наум и се молеше да му прости господ за ова што го стори со Наќо, зашто го навјаса страв и лутина да не им се случи нешто на полковниците, та сета работа да пропадне - да му се запечати судбината на манастиров.
„Злодобро“
од Јован Стрезовски
(1990)
Куќите им ги запечатуваше и им ги обележуваше со црна дамка - чумин знак.
„Злодобро“
од Јован Стрезовски
(1990)
(...) Со самата одлука на мажот да му го послужи зготвеното тело на својот Љубовник и со завршниот истрел кој го запечатува неговиот прв залак, таа ја употполнува осудата и ропството над своето и над туѓите тела.
„МАРГИНА бр. 8-9“
(1994)
Беа разработени варијантите за запечатување на мојата судбина токму на фаталната граница.
„Атеистички музеј“
од Луан Старова
(1997)
А потем тој помина, така да кажам, во напад и го напиша оној есеј со којшто си ја запечати судбината.
„Папокот на светот“
од Венко Андоновски
(2000)
Нешто ме глочкаше на папокот, и јас ја кренав маицата: видов дека на мојот папок стои црниот пајак од младоста, брошот на мојата баба; Јан Лудвик, очигледно беше дошол од циркусот, од белиот свет, да ми го врати црниот пајак, и откако го беше испил своето питие, ја беше запечатил чашата со пајакот.
„Папокот на светот“
од Венко Андоновски
(2000)
А потем оние луѓе ги собраа во ковчеже, го запечатија ковчежето и со голема чест и слава ги принесовме во храмот, во градот.
„Папокот на светот“
од Венко Андоновски
(2000)
Тие ќе се потпишат, овие ќе го предадат оружјето, а НАТО ќе влезе да го запечати мирот што набргу повторно ќе завладее.
„На пат кон Дамаск“
од Елизабета Баковска
(2006)
Детето го запечати нејзиното веќе јасно видливо студенило кон него – таа не го љубеше како маж, а повеќе немаше ни потреба да го има ни како слушател.
„На пат кон Дамаск“
од Елизабета Баковска
(2006)
Со восок ги залепив
со смола ги запечатив
ги прелив со лепак
ги врзав со јаже
сите љубовни фантазии
сите желанија
од премолчување истоштени.
„Ерато“
од Катица Ќулавкова
(2008)
- Заколни ми се, - шепна грозно стариот. Така Гога мораше да го запечати овој таен договор со клетва.
„Послание“
од Блаже Конески
(2008)
Ова откритие беше доволно. Ми стана јасно дека писмото било превртено наопаку, како ракавица, па повторно адресирано и запечатено.
„Црни овци“
од Катица Ќулавкова
(2012)
Им ги запечатија радиото и телевизорот, оти не плаќале претплата. Не одбивале, туку не можеле.
„Светилничар“
од Ристо Лазаров
(2013)
Со запечатувањето на радиото и телевизорот врви и запечатувањето на судбината.
„Светилничар“
од Ристо Лазаров
(2013)
Идејата на двата лика да направат мал речник на турцизми кои трајно ја запечатиле трагичната судбина на балканските народи, влијаејќи на нивниот менталитет, иако наликува на наивизмот со кој навидум Хермоген и Кратил кај Сократ расправаат за вистинитоста на имињата, станува магистрална филозофска идеја на овој одличен роман.
„Балканвавилонци“
од Луан Старова
(2014)
Конечно откривањето на битолските кадиски сиџили (од ХVI-ХIХ век), го запечати крајот на егзилската балканска одисеја на Татко и семејството.
„Балканвавилонци“
од Луан Старова
(2014)
