ерес (м.)
Да се мисли со сопствена глава е ерес, предавство, бласфемија. Само ѓаволот и сатаната го практикуваат.
„МАРГИНА бр. 32-33“
(1996)
Знаеше и самиот, слушајќи ме, оставајќи ме да се доискажам, пред присутни сведоци, дека слегувам уште подлабоко во спиралата на големата и непростлива ерес во атеистичката земја.
„Атеистички музеј“
од Луан Старова
(1997)
Не само вредноста на искуството, туку и самото постоење на надворешната реалност беа упорно одречувани од нивната филозофија. Разумот беше Ерес над сите ереси.
„1984“
од Џорџ Орвел
(1998)
Постоеја исто така и со шепот пренесувани приказни за некоја ужасна книга, некаква збирка на сите ереси, чиј автор беше Голдштајн, што потајно циркулираше наоколу.
„1984“
од Џорџ Орвел
(1998)
Сите подоцнежни злосторства против Партијата, сите измами, чинови на саботажа, ереси, девијации, произлегуваа директно од неговото учење.
„1984“
од Џорџ Орвел
(1998)
Во тоа време идејата дека некој има можност после полноќ да се џари во телевизор, од некои беше примена како ерес.
„Филтер Југославија“
од Константин Петровски
(2008)
И онака
од сите страни на клучалката
сцената е иста, а
оној кој не заминал сосема
се буди и таму кајшто е отсутен
ја спотнува во занес ереста
- плодното мрестилиште на слободата
и знае: животот не е еден.
„Ерато“
од Катица Ќулавкова
(2008)
Во XV век неговите ученици ќе го реорганизираат братството во верски ред и секој млад јаничар ќе биде воведен во ритуалите на овој ред на Бекташите од навидум муслиманска припадност, но кој се сметал за турскосунитски ерес.
„Балканвавилонци“
од Луан Старова
(2014)
