евнух (м.)
Разбра и која е субашицата во харемот на кадијата; кој е евнухот кај каданите, што прават и каде живеат тие, колкава е заштитата ноќно време таму, и сѐ што му требаше за еден напад.
„Калеш Анѓа“
од Стале Попов
(1958)
Завистливо им говореше стариот евнух на жените од харемот, кои силно негодуваа, кога ги напушташе пашата, дури и во најсладосните харемски часови.
„Бојана и прстенот“
од Иван Точко
(1959)
Во овој посебен свет влегувал само султанот, евнусите, неговите миленици.
„Патувања“
од Никола Кирков
(1982)
А што поседува тој: опустената родителска куќа (во која брат му, обземен од итрите планови на евнусите, ниту наминува) нема кој да ја чува.
„Слово за змијата“
од Александар Прокопиев
(1992)
Се појави однекаде и џипот на Фискултурецот; прост и груб како што беше дал Господ, дојде право кај групата на ливадата и му префрли нешто на Земанека: дека гласот му бил како кај евнух; така рече, дека пее како скопен.
„Папокот на светот“
од Венко Андоновски
(2000)
А ти, глупав, апстинираш ‘ко евнух... во целибат со години.
„И ѓаволот чита пРада“
од Рада Петрушева
(2013)
