вековит (прид.)
ДЕПА: Да сте живи и вековити. Со здравје да ти оди братчето.
„Парите се отепувачка“
од Ристо Крле
(1938)
КОТЕ: Жив да си и вековит бре, Панде, ти нас — господ тебе да те насмее. (Како горе општо смеење).
„Парите се отепувачка“
од Ристо Крле
(1938)
Тече од векот вековит и нова и сѐ понова, тече, а тука маките сѐ стари и сѐ постари.
„Бели мугри“
од Кочо Рацин
(1939)
И реки ќе потечат и бреме ќе одвлечат на вековита смрт!
„Бели мугри“
од Кочо Рацин
(1939)
Здравје да ми имаш и вековита да ми си, ќерко! (Се поднаместува со седењето).
„Антица“
од Ристо Крле
(1940)
Сполај ти ногу и да сте живи, вековити, да се ќердосате, господ некој к'смет да ви даде, и од ваше срце да си исчекате и кршчење, и свадби да направите!
„Крпен живот“
од Стале Попов
(1953)
Не е според обичајот, вековит, татко да нуди ќерка за мажачка.
„Патот на јагулите“
од Луан Старова
(2000)
„Драги родители, драги жители на населбата, драги ученици и колеги, нека ни е честит и вековит празник!
„Тополите на крајот од дедовата ливада“
од Бистрица Миркуловска
(2001)
Сега сме тука кајшто сме талкајќи низ вековите се изнаслушавме врапчешки џивкања на соништата им стававме перници од теракота - ем црвени, ем вековити да бидат и така дојдовме до реката и тука научивме дека за да ја минеме реката сака да направиме мост и тука некој ѓоа во доверба ни шепна дека ако нема напред нема ни назад
„Светилничар“
од Ристо Лазаров
(2013)
Саде капка по капка се наслушува - отпод карпата капе вековита бистрина... ***
„Молика пелистерска“
од Бистрица Миркуловска
(2014)
Светлината во очиве нека да е вековита - со твојата светлина, Ѕвездо моја...
„Молика пелистерска“
од Бистрица Миркуловска
(2014)
