бизнисмен (м.)
Тагоре направил разлика помеѓу „народ“ и „нација“ која понатаму ја споредил со разликата меѓу природната (или социјална) личност - родителот, љубовникот, пријателот - и професионалната личност - доктор, војник, бизнисмен.
„МАРГИНА бр. 4-5“
(1994)
Тики: Сѐ озбилни луѓе, богати бизнисмени кои те обожаваат.
„МАРГИНА бр. 37“
(1997)
Горе, крај главниот пат, некој човек по име Шабан Мемедовски, или Шане Менедовски, луѓето не беа сигурни за името, бизнисмен, што се вели, добил дозвола од некого од власта да направи рибник. Работата беше била напредната.
„Бунар“
од Димитар Башевски
(2001)
Сите извори откај планината властите, или некој од властите, му ги дале на некој бизнисмен што изградил рибник на главниот пат, блиску под Дарван.
„Бунар“
од Димитар Башевски
(2001)
Последниве денови се слушнаа гласови дека властите, или некои луѓе од власта, сите води од рекичките и од изворите кај Дарванскиот предел што доаѓаат кон Маказар, ќе ги свртеле за потребите на некој рибник што некој бизнисмен ќе го градел на патот меѓу Ресна и Монастир.
„Бунар“
од Димитар Башевски
(2001)
Во барот, како што влезе, така здогледа една група од седум-осум „бизнисмени“ од таканареченото мало стопанство. Всушност транзициони шмекери.
„Продавница за љубопитните“
од Мето Јовановски
(2003)
Бизнисмените немаат време, женетите имаат обврски (мали деца и големи проблеми, лоши сопруги и магнет папучи).
„Три напред три назад“
од Јовица Ивановски
(2004)
Еве, сѐ повеќе луѓе се интересирале за неговото сликање, а тој не отвора изложби секој ден; доаѓаат луѓе и од странство, бизнисмени, мецени, имбецили, можеби некој ќе се заинтересира и за него, ќе посака да му наѕре во ателјето што слика, може нешто и да купи, тие се парајлии, што е за нив некоја илјада долари или марки?
„Синовски татковци“
од Димитар Солев
(2006)
Француските елитни кози во славна мисија да ја спасат Македонија, како некогаш нивните балкански посестрими се претопија во стадото на еден од поуспешните козари, сточарски бизнисмен.
„Потрага по Елен Лејбовиц“
од Луан Старова
(2008)
Работи како личен тренер на калифорниските ѕвезди, продуценти, бизнисмени, шмизли и ексцентрици.
„Бед инглиш“
од Дарко Митревски
(2008)
Како бизнисмен со пура и коњак во раката, ја изговорив занесено последната реплика, за време на елегантната опсервација на масивната компјутерска маса.
„Ниска латентна револуција“
од Фросина Наумовска
(2010)
Јас сметав дека не можеше да се бара виновник во една ваква бизнисменска зделка во која, како и во секоја друга, постоеше ризик на инвестиција.
„Ниска латентна револуција“
од Фросина Наумовска
(2010)
Но, како што одминуваше времето и овие бонови прекратија.2 Поради отворената можност за приватизација на оваа јавна радиодифузна единица од страна на еден, во тоа време, моќен локален бизнисмен – вработените, преку нивниот синдикат, започнуваат преговори за трансформација на радиото од јавно во приватно.
„Работни спорови - Позитивни примери од судската пракса“
од Димитар Апасиев
(2011)
Политичките извори до кои доаѓаа овие луѓе ги вклучуваа весниците, разговорите со Американците што патувале во регионот (мисионери, новинари и бизнисмени), официјалните соопштенија и личните контакти на министрите со политичките и економските елити.
„Македонија низ нишанот на САД и Британија“
од Тодор Чепреганов
(2012)
Меѓу редовните гости на јахтата „Зора“ беше и украинскиот бизнисмен Виктор Каваленко кој веќе пет години успешно работеше со синџир од фирми во Гостивар, Струга и Охрид.
„Полицајка в кревет“
од Веле Смилевски
(2012)
Газда Таки знаеше како да ја води работата и беше уште подобар бизнисмен од татка си.
„Белиот јоргован“
од Хајди Елзесер
(2012)
Во улицата на стариот цвеќар во Истанбул сега врие од заитани бизнисмени со мобилни телефони и изгубени туристи со мобилни фотоапарати и со слушалки од вокмени во ушите.
„Ситночекорка“
од Ристо Лазаров
(2012)
Газда Таки беше пред сѐ трговец, бизнисмен, но беше и човек на својата земја, Македонец во окупираната Македонија кој ја сака родната грутка и кој имаше моќ да не им се повинува на силните. Бидејќи и самиот беше многу силен.
„Белиот јоргован“
од Хајди Елзесер
(2012)
Деца на овој или оној политичар, татко генерал или директор, мајка професорка, чичко јак бизнисмен итн.
„Читај ми ги мислите“
од Ивана Иванова Канго
(2012)
Сите во соседството знаеле дека човекот што доаѓа е богат бизнисмен кој не жалел пари за да биде овековечен на големите платна на сликарот Соколовски.
„Полицајка в кревет“
од Веле Смилевски
(2012)
