бадијала (прил.)
Толкумина ги имаат оставено коските по планините и сѐ за бадијала.
„Парите се отепувачка“
од Ристо Крле
(1938)
А тоа чкрапнување не е за бадијала, (се чешка со прстот пред срцето) некој молец го јаде овде. (Оди и се гледа на огледалото.) Пак што, од мене поубаво ќе најде?!...
„Парите се отепувачка“
од Ристо Крле
(1938)
Оти, не за бадијала мариовките велат „разбој — разбола", а „вурка прошетка".
„Крпен живот“
од Стале Попов
(1953)
Одовде до Секуловци десет чекори место е и за едно „свети боже", свети крпки, венчаетсја раб божи Илко со рабина божја Доста, сегда и нинје и приено и во вјеки вјеков амин", и .. . клоп ! ... три лири во џепот, бадијала ли е ? . . .
„Крпен живот“
од Стале Попов
(1953)
— „Ама пак не ќе биде бадијала сето воа.“ Дните си врвеа редовно.
„Крпен живот“
од Стале Попов
(1953)
Едниот го праша другиот: – Велиш ќе си достои кадијата на зборот? – Таман работа еден кадија да кршне – му одговори другиот. – Тогаш не за бадијала ја јадевме горештината летоска.
„Калеш Анѓа“
од Стале Попов
(1958)
Друг пат напомни ми, голем ум бадијала ќе ти дадам...
„Будалетинки“
од Мето Јовановски
(1973)
- Видиш, - рече Шишман. - Добро оти ти текна. Бадијала ке го расипевме пликот.
„Будалетинки“
од Мето Јовановски
(1973)
А денеска ќе чисти за сметка на едниот изгорен, се разбира бадијала за да си направи пат до својот ѕид каде ќе дупи.
„Толе Паша“
од Стале Попов
(1976)
За бадиала ви е муабетот, за бадиала сете благословии. Не се страмите, страм да ве јаде!
„Толе Паша“
од Стале Попов
(1976)
Ами, разбери се еднаш и не праќај го аскерот да лупа за бадијала.
„Толе Паша“
од Стале Попов
(1976)
„Не е бадијала“, им рече тој, „кај што ископавте - сега ставете овошка, и ќе видите дека не ќе бидете на зијан...“
„Свето проклето“
од Јован Стрезовски
(1978)
А кога не најдоа ништо, отидоа кај Јосе Натемагото и му рекоа: „Не најдовме ништо... Бадијала копавме...“
„Свето проклето“
од Јован Стрезовски
(1978)
Да не седи бадијала, да не знае што да прави. Ко Јона мој, во браздана.
„Пиреј“
од Петре М. Андреевски
(1983)
Магаре едно, мрзливец, за ништо неспособен, што, што си направил, бадијала го јадеш лебот, бездарник, - со најнавредливи зборови го удираше секој час, просто го газеше.
„Големата вода“
од Живко Чинго
(1984)
ЕВДОКИЈА: Бадијала, Мане. Касно е. Не чувствувам ништо за тебе.
„Буре барут“
од Дејан Дуковски
(1994)
Ја има својата менопауза, своите месечни циклуси, целата таа генитална апаратура која е мошне чувствителна; Ништо не правиш бадијала.
„МАРГИНА бр. 19-20“
(1995)
Бадијала им се нив добрите совети, бадијала.
„МАРГИНА бр. 19-20“
(1995)
- И Лиле секој ден одеше и тропаше по фирмите. Бадијала. Уште не се слушнало дека ќе примаат некого - тој веќе е примен.
„Омраза - длабоко“
од Драгица Најческа
(1998)
Во листата, меѓу другите, се најдоа и зборовите: арам, муфлуз, резил, тамаќар, башибозук, шашма, далавера, алашвериш, ќелепур-софра, џева, беља, гениш, курназ, маскара, едепсаз, марифет, сафра, рушфет, џамбаз, суртук, мамлаз, чалам, табиет, чаре, јаваш, ајде, таксират, тарапана, ујдурма, усул, чешит, џабе, џган, џумбус, батакчија, бадијала, зулум, налет, угурсуз, шерет, гајле, гајрет, грбал, душман, далавера, дереџе,зандана, зијан, ифрит, калауз, курбан, курназ, маскара, мамлаз, намќор....
„Тврдина од пепел“
од Луан Старова
(2002)
