стравување (ср.)
Бојан отпрвин помисли дека е тоа ветер што се вовира во оџакот, но забрзаното, ненадејно лаење на кучињата го потврди неговото стравување.
„Бојан“
од Глигор Поповски
(1973)
Дури и кога пациентот од петни жили се напрега да ни ја изрази, колку што може појасно, природата на своите стравувања и доживувања, содржината на говорот - структуриран на начин различен од нашиот - тешко се следи. 44 Margina #22 [1995] | okno.mk
„МАРГИНА бр. 22“
(1995)
Не стравувања од кои треба да се плашиме. Обични стравувања на секојдневниот живот. Здрави стравувања.
„МАРГИНА бр. 35“
(1997)
Но, тој сѐ уште одеше одоколу во предочувањето на реалното стравување некој на Балканот да не го прекине засекогаш вечниот пат на јагулите.
„Патот на јагулите“
од Луан Старова
(2000)
Се намести милиционерот пред бикот, ги рашири нозете, ја поткрена пушката и, без многу размислување за да не должи со стравувањето, пукна во главата на бикот, токму во ѕвездата меѓу очите.
„Захариј и други раскази“
од Михаил Ренџов
(2004)
- Не поставувањето услови некој би можел да го сфати како свесно определување да не им се припишува посебно значење на ситните сеќидневни недоразбирања и разбирливо стравување дека токму ситните несогласувања би можеле негативно да влијаат на одржувањето на нашата врска.
„Летот на Загорка Пеперутката“
од Србо Ивановски
(2005)
Мислиш дека беше во прашање љубомора а не стравување дека си посетил грд расадник на зарази, ми приговори тогаш можеби со право Катерина, и потоа само додаде: Мило, зар не се обиде самиот да ми докажеш дека сепак не успеала да те искористи таа ороспија?
„Летот на Загорка Пеперутката“
од Србо Ивановски
(2005)
А жената иако изгледа правилно ја сфати мојата бојазливост, сепак не пропушти да му се исмее на стравувањето.
„Синот“
од Србо Ивановски
(2006)
Му мина времето во стравување, час од лево, час од десно.
„Ервехе“
од Луан Старова
(2006)
Зарем сите вакви постапки не го поткрепуваа оној мој впечаток дека таа го претпочиташе притаениот пат на сенките додека ги водеше своите стравувања низ честакот од дилеми?
„Синот“
од Србо Ивановски
(2006)
Оние поединци кои го имаат посетувано училиштето за стравувања и стравотии или пак оние другине кои на панаѓурите навикнале да ги шетаат одаите на ужасите можат да се досетат како се чувствував.
„Синот“
од Србо Ивановски
(2006)
Нервозата на свадбата произлегуваше од сето тоа: од една страна од стравот на Хана како ќе се справи со обичаите на нејзината нова заедница, од другата, со фрустрацијата поради изневерата на родителите, но и од стравувањето на Леон како нивната врска ќе функционира и конечно, од немата запрепастеност на неговите родители и роднини за тоа како ќе се вклопи дојденката во нивниот строг и скромен начин на живот.
„Светилка за Ханука“
од Томислав Османли
(2008)
„Свест која си поигрува со својата перцепција?“ - реков полугласно, со чудно стравување во коските.
„Ниска латентна револуција“
од Фросина Наумовска
(2010)
Ја голтнав црвеникавата течност без ни малку стравување во однос на слабата толерантност, заради подеднакво слабата цена - нешто кое се покажа за исправно.
„Ниска латентна револуција“
од Фросина Наумовска
(2010)
Тоа беше бодликав, мал и изворен страв, кој отскокнуваше од страшното отсуство на стравувањето пред почетокот на нашава наративно хаотична приказна.
„Ниска латентна револуција“
од Фросина Наумовска
(2010)
Со тоа, горе посочените тврдења и стравувања на Митревски дека ќе остане без работа, се потврдуваат во целост...
„Работни спорови - Позитивни примери од судската пракса“
од Димитар Апасиев
(2011)
