исхрана (ж.)
А кога го крстивме, кога попот и другите луѓе се чудеа на неговата невообичаена големина, ти им објаснуваше дека и доктор ти рекол дека такво нешто може понекогаш да се случи кај некои мајки; тоа зависи од мајката, од исхраната, од движењето и времето во кое се раѓа.
„Свето проклето“
од Јован Стрезовски
(1978)
Овде, за јадење можеше да се купи речиси сѐ што денес во светот се произведува за исхрана на човекот.
„Патувања“
од Никола Кирков
(1982)
Службата за сместување и исхрана функционираше како прецизен механизам, просто зачудувачки точно.
„Патувања“
од Никола Кирков
(1982)
Како што го сторил тоа со зрната, со плодовите и со зелјата, кога ги поучил луѓето дека едните смеат да ги употребуваат за исхрана, другите не.
„Потковица на смртта и надежта“
од Миле Неделкоски
(1986)
Подигањето на чифлизите стана така што мајсторите и потковичаните (нив, на последниве, тоа посебно тешко им падна: покрај што беа катадневно ангажирани во градежните работи, кршеа и довезуваа камења, сечеа плитари, бичеа греди, газеа кал и мешаа малтер, мораше да се грижат уште и за исхраната на мајсторите, за полето и за домазлакот) најпрвин го одредија просторот на кој требаше да бидат подигнати идните чифлизи, потоа истиот тој простор од Имотот и од селото го издвоија со широки сокаци и високи камени ѕидови.
„Потковица на смртта и надежта“
од Миле Неделкоски
(1986)
Со своите бројни стада, со шарпланинците, посебно со својата мијачка облека и говор, и со сточарската исхрана, бакрданик, сирење, грав, и овчка пастрма, за сите пелагониски селани, посебно за жителите на Потковицата, во чиј синор спаѓаше заветрината, мијаците претставуваа вистинска атракција но не и туѓинци.
„Потковица на смртта и надежта“
од Миле Неделкоски
(1986)
19. Само исхраната овдека ме буни.
„Небеска Тимјановна“
од Петре М. Андреевски
(1988)
Боже колку малку чини мојата исхрана!
„Балканска книга на умрените“
од Мето Јовановски
(1992)
Слугинката умре и бидејќи не можевме да најдеме друга, ѝ се посветивме на исхраната и грижата за семејството.
„МАРГИНА бр. 32-33“
(1996)
Од човечка мудрост и практична примена... ми се гади од здрава исхрана, од сиромаштија и богатство секакво и од секој вид.
„МАРГИНА бр. 10“
(1997)
Или дедото Шишко сосема се грижел за мојата исхрана па она што сум го имал стиснато меѓу дланките сум можел да го употребам и за таков луксуз!
„Исчезнување“
од Ташко Георгиевски
(1998)
Здравата исхрана е во тренд.
„Човекот со четири часовници“
од Александар Прокопиев
(2003)
- Морам да внимавам на исхраната. Не поради дебелината.
„Човекот со четири часовници“
од Александар Прокопиев
(2003)
Столовите беа неудобни како во ресторан за брза исхрана – со таа разлика што овде услугата беше очајна.
„Три напред три назад“
од Јовица Ивановски
(2004)
Откако беше вовела рестрикции во исхраната нејзините гради како да ја губеа цврстината што почнуваше да ме загрижува. Зарем не забележува?
„Летот на Загорка Пеперутката“
од Србо Ивановски
(2005)
На Гого му беше исхраната последна дупка на шупелка: имаше чардак за работа, имаше ќелија или за сон или за несоница, имаше поглед кон суводолицата на детството.
„Синовски татковци“
од Димитар Солев
(2006)
И веднаш продолжи војнички отсечно: „За да знам како да ја организирам исхраната”.
„Синовски татковци“
од Димитар Солев
(2006)
Ланецот на исхрана е прекинат со недостатокот на контејнери и купови ѓубре што се требат у ситните саати.
„Тибам штркот“
од Зоран Спасов Sоф
(2008)
Не беше точно дека ноелемакот немаше чувства, но ноелемаците не сакаа да ги трошат своите чувства на жртви на еден ваков природен синџир на исхрана.
„Ниска латентна револуција“
од Фросина Наумовска
(2010)
Најпрво, во јули 1992 година исплатата на надоместоците за исхрана на работниците во текот на работата престана да биде регулирана со закон, а тоа понатаму беше регулирано со Општиот колективен договор на РМ (чл. 5, ЗИДЗИПДНДР/јули.92), за во октомври 1992 година исплатата и на останатите надоместоци да престане да биде регулирано со овој закон, при што понатаму беше регулирано со Општиот колективен договор на РМ (чл. 1 ЗИДЗИПДНДР/окт.92).
„Обезвреднување на трудот“
од Савески, Апасиев, Ковачевски, Василев
(2010)
