инвазија (ж.)
Татко ми нашироко го дообјасни зборот – автохтони, па продолжи: – Во една германска книга пишува дека козата се појавила во Европа во времето на варварските инвазии.
„Времето на козите“
од Луан Старова
(1993)
Но првиот пат е дислоцирана однадвор. Се разбира, тоа беше Хитлеровата инвазија.
„Времето на козите“
од Луан Старова
(1993)
Во моментот на планирањето на иднината, во кабинетите на Партијата, козите слегуваат во главниот град: оваа бела пацифистичка инвазија ги вознемирува и шармира духовите.
„Времето на козите“
од Луан Старова
(1993)
„Ти би не исмевал и би ни ја расипал инвазијата.“
„Лек против меланхолија“
од Реј Бредбери
(1994)
„Речи им таа своја инвазија да ја одложат за утре“.
„Лек против меланхолија“
од Реј Бредбери
(1994)
Заштита на сопствениот мозок од инвазија и експлоатација од ништо.
„МАРГИНА бр. 32-33“
(1996)
Дома доживуваме научнофантастична инвазија: Вселенскиот брод се сместува во дневната соба и се наметнува чувството дека се наоѓате на виртуелно патување низ вселената.
„МАРГИНА бр. 29-31“
(1996)
Постојат тези дека идеолошкиот вакуум (чиешто постоење исто така е под прашање) доведе до инвазија на телото во тн. Источна Европа. Колку тоа е точно и евидентно?
„МАРГИНА бр. 37“
(1997)
По делбата на Источното и Западното Царство, нашите христијани се поделија на католици и православни, а по инвазијата на Отоманската Империја голем дел се преобрати во исламот, дел ја задржа старата православна или католичка линија, а не малку пребегнаа кон Италија и други земји во западна и источна Европа со старата религија...
„Атеистички музеј“
од Луан Старова
(1997)
Покрај тоа, никогаш не се водат борби, освен во спорните региони околу Екваторот и на Северниот Пол: никогаш не е извршена инвазија врз непријателска територија.
„1984“
од Џорџ Орвел
(1998)
Се чинеше во отпорниот дел на неговата душа, „идеолошката инвазија” на Горски според другите, немаше такво значење.
„Патот на јагулите“
од Луан Старова
(2000)
- Се сеќаваш ли, Мањушка, на еден филм од наше време,со инвазија на црвени мравки? - Како да не. „Марабунта“. - Е да, „Марабуната“. Умиравме од страв во салата...
„Човекот со четири часовници“
од Александар Прокопиев
(2003)
Како признат хроничар на родот Буколовци и фамилијата Прокопиеви, бившиот адвокат бате Иле (така во семејството го викавме и ние, половина век помлади од него) долгата семејна историја ја зачинуваше со историски податоци уште од времето на османлискиот војсководец Лала Шахини, према записите на историчарот Пастухов (презиме што, признавам, не сум го провел, но кое звучеше во целосна согласност со предметот на неговото интересирање – инвазијата на турските освојувачки орди).
„Човекот со четири часовници“
од Александар Прокопиев
(2003)
Но кога настапи времето на козите и кога тие бели суштества извршија вистинска инвазија во градот, и ние бевме принудени да купиме кози за да опстанеме, како и сите други сограѓани.
„Ервехе“
од Луан Старова
(2006)
Италија подготвуваше инвазија на Балканот почнувајќи од нашата земја – рече замислено Татко. – Ти ја прикриваше својата вознемиреност.
„Ервехе“
од Луан Старова
(2006)
Израелската инвазија во Либан во јуни 1982 година според Арафат во извесна смисла беше впишана во договорите во Кемп Дејвид.
„Амбасади“
од Луан Старова
(2009)
Со неа се предвидувала непосредна соработка на двата Главни штаба, со исклучок во оние делови на Европа што биле обележани за сојузничка инвазија и биле поделени на американска и на британска област на влијание.
„Македонија низ нишанот на САД и Британија“
од Тодор Чепреганов
(2012)
Пред британските стратези, во годините по паѓањето на Франција во 1940 година и по германската инвазија на СССР во 1941 година, се поставило прашањето на кој начин Велика Британија, на која во тој период ѝ недостигале сила и војска за да се истовари на европскиот континент, ќе може да го ослаби Рајхот и како да му нанесе конечен пораз на Хитлер.
„Македонија низ нишанот на САД и Британија“
од Тодор Чепреганов
(2012)
На Балканот имаше најмногу инвазии, сукцесивни промени на империи, востанија, постојано подвижни граници, промени на Бога, мобилни идентитети.
„Балканвавилонци“
од Луан Старова
(2014)
Армијата беше составена од различните војски на земјите учеснички, и војуваше во трети земји, макар што првичната цел беше одбрана на Западна Европа од евентуална инвазија од страна на Советскиот Сојуз.
„Балканвавилонци“
од Луан Старова
(2014)
