избегнува (несв.)
Вистина, четите ги избегнуваа битките, но тоа уште не значи дека не пречеа да се воведат реформите.
„За македонцките работи“
од Крсте Петков Мисирков
(1903)
Тие ги избегнуваа, но Турците бараа битки и успеаја повеќе од комитетот.
„За македонцките работи“
од Крсте Петков Мисирков
(1903)
Избегнувајќи да се сретнам со него,се оддалечив.
„Улица“
од Славко Јаневски
(1951)
Избегнував да се сретнам со децата од улицата и се прашував - како Пенчо успеал да ја обере недоверливата старица?
„Улица“
од Славко Јаневски
(1951)
„Ами ако разберат другарчињата оти за неа дојду?“ — се стресе и просто ги избегнуваше сите нивни погледи, плашејќи се да не му ги прочитаат во очите неговите мисли.
„Крпен живот“
од Стале Попов
(1953)
Таа пак го избегнуваше. Не сакаше „пипер да си тура на раната“ да ја раздразнува. . ..
„Крпен живот“
од Стале Попов
(1953)
Замислете си некој со вас да не сака да се дружи и сите да ве избегнуваат како да сте чума.
„Луман арамијата“
од Мето Јовановски
(1954)
Зелен отров, помисли. Како нечии очи. Избегнуваше да одговори.
„Две Марии“
од Славко Јаневски
(1956)
Телото се распаѓа, останува другото со вечното траење: - Да верувам ли дека ти си готов да ме избегнуваш само заради другото?
„Пустина“
од Ѓорѓи Абаџиев
(1961)
Карпата само меко се тргнува во темнината (а во собата сега навираат од цепнатините на закнижените прозорци сончеви зраци) како да го избегнува болезнениот допир на чеканот, се бранува, час истакнато грозна, час магличесто мека и рамна.
„Пустина“
од Ѓорѓи Абаџиев
(1961)
- Престани да бидеш дрзок. - Те љубеше? - Тоа го знаеш! - И ја избегнуваше нејзината љубов.
„Пустина“
од Ѓорѓи Абаџиев
(1961)
И тие, што беа запишани, го сторија тоа како потргнувајќи се, како двоумејќи се и како со тоа да избегнуваа од своето двоумење.
„Белата долина“
од Симон Дракул
(1962)
Она старче многу често го носеше тоа како прогонење, но Змејко баш и прекумера чувствително кон тоа и секогаш избегнуваше да се покажува.
„Белата долина“
од Симон Дракул
(1962)
Секогаш во својот живот ги избегнувал колку што можел тие притаени чекања, а тука, кога не ќе можел да работи тој секогаш ја пуштал барем водата, барем таа да се плиска, да прска, да се разбива во бела пена.
„Белата долина“
од Симон Дракул
(1962)
Избегнувајте од каква било зајадливост и шега и помислете дека таа судбина сте можеле, можеби и вие да ја имате.
„Дружината Братско стебло“
од Јован Стрезовски
(1967)
Братучедите стрпливо чекаа избегнувајќи да се загледуваат околу себе за да не видат нешто што не смеат зашто стражарот што беше пред порта скоро не тргаше очи од нив.
„Будалетинки“
од Мето Јовановски
(1973)
Избегнуваше да влегува во вигната и да се доближува до Стевана.
„Толе Паша“
од Стале Попов
(1976)
Кафеаната секогаш беше преполна: влетуваа во неа Ѓупките со дајрињата в рака, пееја, се виткаа, ја тресеа снагата; гледаа луѓето ококорени во нив, пуштаа раце кон нив да ги фатат, да ги штипнат, но тие како јагули се извиваа и избегнуваа од дофатите; кога ќе им ги собереа парите на луѓето, излетуваа надвор без поздрав, без збогум; утредента пак влетуваа со тие опојни песни и со тоа лудо тропање со дајрињата што свеста ја земаа.
„Свето проклето“
од Јован Стрезовски
(1978)
По смртта на Висар, почна да ги избегнува луѓето, а сега уште повеќе.
„Свето проклето“
од Јован Стрезовски
(1978)
Во сите тие денови на училиште постојано избегнував да излегувам на одморите, за да не се сретнам со Вера.
„Друга мајка“
од Драгица Најческа
(1979)
