дочек (м.)
Во Петроград тие имаат широки познанства и се ползуваат со многу арен дочек од горните слоеви на руското општество и имаат големо влијание на него.
„За македонцките работи“
од Крсте Петков Мисирков
(1903)
Но тоа беше негова грешка: не си го организира својот дочек.
„Крпен живот“
од Стале Попов
(1953)
И решија да го поканат штурчо на дочекот на Новата година.
„Билјана“
од Глигор Поповски
(1972)
Откако таксито нè вози до „Ексцелзиор“ и по предвидливиот дочек на рецепционерот, без оглед дали е оној постариот го густа, бела коса или помладиот, ќелав
„Човекот со четири часовници“
од Александар Прокопиев
(2003)
Кога ќе помислам дека некаде постојат
преубави заливи
пред нив кораби
над нив тераси
за пристан, за враќање, за дочек
не можам да се успокојам.
„Ерато“
од Катица Ќулавкова
(2008)
Можете ли да замислите, тој ми откажа, како да се работи за некоја секојдневна, вообичаена, банална, здодевна или депласирана работа, а не за романтичен дочек на Новата година со саканата жена.
„Вител во Витлеем“
од Марта Маркоска
(2010)
Ако со бурекот си го поделил и срцето на пола, па таа една дропка од органот си му ја подарила засекогаш, а вечноста тогаш траела неколку месеци плус еден дочек на Нова година, што значи до утро, тоа не е за заборавање.
„И ѓаволот чита пРада“
од Рада Петрушева
(2013)
