граничар (м.)
Граничарите нѐ пречекаа со мешано полско цвеќе што го собрале покрај пругата.
„Небеска Тимјановна“
од Петре М. Андреевски
(1988)
Границата толку брзо се менуваше што граничарите не стигнуваа да ја дочуваат.
„Патот на јагулите“
од Луан Старова
(2000)
Дење не можевме да ја минеме границата макар што немаше граничари, ниту од едната, ниту од другата страна.
„Патот на јагулите“
од Луан Старова
(2000)
Тоа беше една мала тампон-зона помеѓу двете земји која требаше да ја мине пеш, следена од будните граничари, вооружени до заби, од двете страни.
„Ервехе“
од Луан Старова
(2006)
На оваа граница, дојде и до првите престрелки, загинаа млади граничари. Границата влеваше страв.
„Ервехе“
од Луан Старова
(2006)
Нѐ сметале за верни граничари, нивни воини, војсководачи, императори, ама никогаш да не си бидеме свои на своја земја!“
„Ервехе“
од Луан Старова
(2006)
За одржување на редот и мирот во Македонија Кралството СХС ангажирало голем број војници, жандари, четници, граничари и други паравоени вооружени единици.
„Џебна историја на македонскиот народ“
од Група автори
(2009)
На пример, во нивните напори да стекнат исклучива контрола над одредена територија, павијаните ги поставуваат мажјаците кои изгледаат опасно на рабовите на таа територија, кои практично се однесуваат како граничари.
„Простори на моќта“
од Зоран Попоски
(2009)
Ова беше предупредувачки знак за албанските граничари.
„Големата удолница“
од Петре Наковски
(2014)
