гипс (м.)
Толку те завиткале во гипс што не можеш да си го најдеш... - За да мочам, ами камо за друго, а?
„Постела на чемерните“
од Петре Наковски
(1985)
Јован го тргна ќебето. Градниот кош на Коста во гипс. И рамената.
„Постела на чемерните“
од Петре Наковски
(1985)
„На болничкиот кревет, в гипс, не ќе му текне да поткрева момински поли.“
„Забранета одаја“
од Славко Јаневски
(1988)
Ми ја исправа ногата со гипсот и ми ја потпира на работ.
„Небеска Тимјановна“
од Петре М. Андреевски
(1988)
Ми ја исчистиле раната, ми ја закрпиле и ногата ми ја ставиле во гипс.
„Небеска Тимјановна“
од Петре М. Андреевски
(1988)
Лекарите ми ја чистат, го требат месото скапано и пак во гипс ми ја повиваат.
„Небеска Тимјановна“
од Петре М. Андреевски
(1988)
Најди конзерватор, доведи го овде со гипс за да излее отисок од некој помал кревок дел од ова!
„Лек против меланхолија“
од Реј Бредбери
(1994)
Колачот како да беше правен од гипс.
„Атеистички музеј“
од Луан Старова
(1997)
Освен црвеното петно, раката беше толку побелена, што изгледаше како да е излеана од гипс.
„1984“
од Џорџ Орвел
(1998)
А следниот пат кога ќе дојдеме, ќе донесам малку гипс и ќе ја затворам како што треба.“
„1984“
од Џорџ Орвел
(1998)
Кога ја прашале Загорка откако ја облекоа во гипс зошто излегла низ прозорецот кога можела истото тоа да го стори користејќи ја вратата таа објаснила дека згрешила во пресметките.
„Летот на Загорка Пеперутката“
од Србо Ивановски
(2005)
А Загорка Пеперутката тврдеше дека гипсот не ѝ е ставен за да го потпомогне заздравувањето на коските. Таа немала ниту една коскена скршеница.
„Летот на Загорка Пеперутката“
од Србо Ивановски
(2005)
Портата и столбовите се мазни како излеан восок, свети мермерот како бел гипс.
„Вежби за Ибн Пајко“
од Оливера Николова
(2007)
Зеде од велигденските јајца стокмени за вапцување со варзило, и, како кога го учеше татко му, стариот Благоја, дупна едно јајце, го бележа со рецка за да го познава и го наполни со течен гипс.
„Вежби за Ибн Пајко“
од Оливера Николова
(2007)
„Те сакам“ – напиша на гипсот наместо потпис. Скршеницата на ногата ѝ зарасна.
„Азбука и залутани записи“
од Иван Шопов
(2010)
Со Ема работевме во хангарот исполнет со табли изрезбани во вид на луѓе, куќи, камиони, мети со фигури направени од сунѓер и гипс, со дрвени модри сандаци за оружје и муниција.
„Полицајка в кревет“
од Веле Смилевски
(2012)
Во битолската болница беше утврдено дека Ивона има напукнатина на десната потколеница. Ногата ѝ беше ставена во гипс.
„Последната алка“
од Стојан Арсиќ
(2013)
Вистинска идила, гледана однадвор, е бракот на двајца кои веќе и златна протераа, па таа го носеше истиот бел фустан од она време и на вечерата што децата и внуците им ја приредија во „Воденица“ или „Коленица“, што мене ми асоцира на кланица затоа што тоа ми е повеќе еквивалент на нејзиниот живот, во кој повеќе гипс никој не ставил на себе од неа, а сѐ било закукулено и завиено во магла, а тој бил секогаш изземен од каква било врска со вина за сите нејзини случајни падови по скали во куќа која има само приземје.
„И ѓаволот чита пРада“
од Рада Петрушева
(2013)
