а   б   в   г   д   ѓ   е   ж   з   ѕ   и   ј   к   л   љ   м   н   њ   о   п   р   с   т   ќ   у   ф   х   ц   ч   џ   ш

објасни

објаснат; објаснам; објаснил; објаснет; (ќе) објаснеше
Вид збор: Глагол, свршен
Ранг: 596
1. Протолкува, разјасни нешто.
Англиски: interpret
Примери:
Попот се обиде да ни објасни дека душата на умрениот ќе оди во рајот.
Ќе ви објаснам како треба да се ракува со апаратот.
Слично со: протолкува (св.)
2. Направи нешто да стане јасно, разбирливо.
Англиски: explain Албански: spjegoj
Примери:
Тој им ја објасни на луѓето целата работа.
Директорот им ја објасни тешката ситуација на вработените.
Слично со: разјасни (св.)
3. Разоткрие, установи причина, смисла на нешто.
Англиски: find out Албански: gjen
Примери:
Не можам да си објаснам што се случи со мене.
Не знаеше како да ја објасни нејзината постапка.
Науката уште не може да ја објасни таа природна појава.
Слично со: разоткрие (св.)
4. (се објасни) Се разјасни, се расправи со некого, расчисти некои недоразбирања.
Англиски: clarify Албански: sqaroj
Примери:
Оставете ги децата, тие самите меѓусебе ќе се објаснат.
Тој ме избегнува и не сака да се објасни со мене.
Изведенки
објаснува несв.
(се) објаснуваат