а   б   в   г   д   ѓ   е   ж   з   ѕ   и   ј   к   л   љ   м   н   њ   о   п   р   с   т   ќ   у   ф   х   ц   ч   џ   ш

загуби

загубат; загубил
Вид збор: Глагол, свршен
Ранг: 1609
1. Остане без нешто што го имал.
Англиски: lose Албански: humbi
Примери:
Вчера го загубив клучот од дома.
По патот овчарот загубил една овца.
Слично со: изгуби (св.)
Спротивно од: најде (св.)
2. Изгуби дел, нешто од својата природна целост (поради болест, повреда).
Англиски: lose Албански: humbi
Примери:
При една експлозија во складот тој го загуби слухот.
Овој човек го има загубено видот, не гледа веќе.
Едната рака ја загубил во несреќен случај.
Спротивно од: добие (св.)
3. Изгуби, престане да има некое својство, способност за нешто.
Англиски: lose Албански: humbi
Примери:
Тој ја загуби рамнотежата и се затетерави.
Одвај се задржа да не загуби свест.
Од слабост го беше загубила гласот.
Играта ја беше загубила својата интересност.
4. Остане без некого поради смрт, разделба и др.
Англиски: lose Албански: humbi
Примери:
Тие загубија ќерка и два возрасни сина во војната.
Во несреќата двајца работници ги загубија животите.
5. Доживее неуспех, пораз, не победи во натпревар, игра и сл.
Англиски: lose Албански: humbi
Примери:
Стана очигледно дека битката е загубена.
Тој го загуби облогот.
Домашните загубија уште еден бод на свој терен.
Спротивно од: победи (св.)
6. Изгуби, се лиши од определени материјални вредности, пари и сл.
Англиски: lose Албански: humbi
Примери:
Го загуби целиот свој имот.
Се плашеше да не ја загуби печалбата.
Слично со: изгуби (св.)
Спротивно од: спечали (св.)
7. (се загуби) Се изгуби, исчезне, го снема.
Англиски: disappear Албански: u zhduk
Примери:
Го оседла коњот и се загуби надолу по заснежениот пат.
Возот се загуби во далечината.
Слично со: исчезне (св.)
8. (се загуби) Изгуби ориентација, пат, не знае каде се наоѓа.
Англиски: lose Албански: u humb
Примери:
Убаво го познаваше патот во гората и не се плашеше дека ќе се загуби.
Таа се загуби низ тесните сокаци.
Спротивно од: снајде (св.)
9. (се загуби) Западне во состојба на збрканост, на полусвест.
Англиски: get confused Албански: u hutua
Примери:
Тој од пиење сосема се загуби.
Кога го виде него, сиот се загуби.
Изведенки
1. загубува несв.
(се) загубуваат
2. загубување ср.
глаг. им.