а   б   в   г   д   ѓ   е   ж   з   ѕ   и   ј   к   л   љ   м   н   њ   о   п   р   с   т   ќ   у   ф   х   ц   ч   џ   ш

блок

мн. блокови
Вид збор: Именка, машки род
Ранг: 2615
1. Големо, масивно парче од нешто (камен, метал, мраз).
Англиски: block Албански: bllok
Примери:
Дождовите ја изделкале лавата, ја измоделирале во блокови.
Лена ги заобиколуваше огромните камени блокови, напукнати и изглодани од времето.
Надолу се гледаа блокови од гранит.
Слично со: парче (ср.)
2. Целина, низа од згради или друг вид градежни објекти.
Англиски: building Албански: bllok ndërtesash
Употреба: Архитектура и градба
Примери:
Тој живее во блокот кај Градски ѕид.
Поминаа покрај блок дуќани.
Слично со: зграда (ж.)
3. Подврзани листови (чисти или со отпечатен текст) што можат лесно да се одвојат.
Англиски: block Албански: bllok, tallon
Примери:
Благајничката набави блок налози за плата.
Кондуктерот извади од торбата блок возни билети.
4. Картонски корици со листови за цртање.
Англиски: block Албански: bllok vizatimor
Примери:
Самоукиот уметник гордо го носеше под мишка и својот блок.
Тој е во ликовите низ истутканите и превиткувани листови од блок за цртање.
Вид: хартија (ж.)
5. Сојуз на држави, партии, воени организации.
Англиски: union Албански: bllok, union
Употреба: Дипломатија
Примери:
Македонските дечиња беа распратени по земјите на Источниот блок.
Македонија стана крваво боиште на завојуваните држави на двата блока.
Слично со: сојуз (м.)
6. Жив ѕид на играчи што ја спречува акцијата на противникот.
Англиски: block Албански: bllok, pengesë
Употреба: Спорт
Слично со: ѕид (м.)
7. Централен дел од мотор со внатрешно согорување.
Англиски: engine Албански: bllok
Употреба: Технологија
Слично со: мотор (м.)
8. Целина од поврзани активности.
Англиски: whole Албански: bllok, njësi
Примери:
блок часови
блок емисии
Слично со: целина (ж.)
Изведенки
блоковски прид.
блоковскиот