работа

мн. работи
Вид збор: Именка, женски род
Ранг: 97
1. Дејност со која се произведува нешто.
Англиски: work, activity Српски: рад Албански: punë Бугарски: работа
Примери:
Продолжија работите на изградбата на автопатот.
Работата ми причинува задоволство.
Фабриките ја прекратија работата.
домашна (куќна) работа
испитувачка (истражувачка) работа
општествена работа
општествено корисна работа
политичка работа
поправна работа
присилна работа
ударничка (ударна) работа
умствена и физичка работа
рачна работа
Слично со: занимање (ср.) , труд (м.)
2. Дејноста со која се обезбедува егзистенцијата.
Англиски: profession Албански: profesion
Примери:
Без работа е веќе една година.
Мајстор е на својата работа.
Стапи на работа.
Стои без работа.
по службена работа
Слично со: служба (ж.) , професија (ж.) , занает (м.)
3. Нешто што е веќе извршено или допрва треба да се изврши.
Англиски: task Албански: punë
Примери:
Си ја сврши работата.
Имаше работа и за него.
Сета работа ми остана.
Слично со: активност (ж.) , задача (ж.)
4. (обично во мн.) Дејност, систем од мерки за создавање, изготвување, обработување на нешто.
Англиски: work Албански: punë
Примери:
градежни работи
занаетчиски работи
мелиорациони работи
Слично со: дејност (ж.)
5. литературно, научно или уметничко дело
Англиски: work, creation Албански: vepër
Примери:
Ми ја читаше својата последна работа.
дипломска работа
научна работа
Слично со: творба (ж.) , дело (ср.) , труд (м.)
6. ученичка писмена задача
Англиски: work Албански: detyrë
Употреба: Образование
Примери:
домашна работа
писмена работа
Слично со: задача (ж.)
7. Квалитетот на нешто изработено, на производот.
Англиски: quality Албански: kualitet
Примери:
Самата работа го фали.
Слично со: производ (м.)
8. Пројава, постапка, резултат од трудот на некого, дело што носи белези карактеристични за определен човек или луѓе, дело.
Англиски: thing Албански: punë
Употреба: Преносно значење
Примери:
Таа интрига беше нејзина работа.
Остави го, Јованова работа.
детинска работа
женска работа
Слично со: пројава (ж.) , постапка (ж.)
9. должност, надлежност
Англиски: duty Албански: detyrë
Употреба: Преносно значење
Примери:
Тоа не е негова работа.
Негова работа беше да јавува кој доаѓа.
вршител на работите
Министерство за внатрешни (надворешни) работи.
Слично со: надлежност (ж.) , должност (ж.)
10. (почесто во мн.) Нешта, предмети, облека, покуќнина и сл.
Англиски: object Албански: send
Примери:
Купивме многу работи за дома.
Многу работа имаше во чантата.
Слично со: предмет (м.) , нешто (ср.)
11. предмет, услови, прашање; настан, случка, појава, положба, состојба, главното, суштината
Англиски: thing Албански: lëndë
Употреба: Преносно значење
Примери:
Остави ги тие работи.
работа без вредност
безначајна работа
Како стојат работите?
невозможна работа
Се реши ли твојата работа?
состојбата на работите
Пропадна таа работа.
Имам да свршам триста работи.
Тоа е обична работа.
Работата дојде до таму.
Да минеме најпосле на работата.
Се оддалечува од работата.
Слично со: случка (ж.) , настан (м.) , предмет (м.)
12. Извик со кој се изразува запрепастување поради нешто непријатно.
Англиски: surprise Албански: habi
Примери:
Тука е работата!
Чудна работа!
Изрази
(посл.) Ако беше арна работата, и владиката ќе работеше.
(посл.) Волкот сам си ја врши работата, та затоа му е дебел вратот.
Зборувај си ако немаш работа - сам си зборуваш, сам се слушаш.
(посл.) Голема работа, големи главоболија
Немал ѓаволот работа, та си ги давел децата.
(посл.) Не оставај ја сегашната работа за утре.
(посл.) Добрата работа сама се пофалува.
(посл.) Работата е красота, а неработата гнасота.
(посл.) Од работа нема срамота.
(посл.) Ивтирија на сторена работа.
(ирон.) Кој видел аир од работа!
Аирлија работа!
Божја (господова) работа!
Ветер работа!
Гледај си ја работата - не мешај се во туѓи работи.
Му тргна работата како на ракот - работата тргна наопаку.
(ирон.) Голема работа!
Мала работа, голема срамота!
Не му е чиста работата - се бави со матни работи.
Пушти во работа - пушти во погон.
Ѓаволска работа.
Празна работа - работа без ефект.
Не му чини работата - не му оди добро.
Сизифова работа - невозможна задача.
Се фати за работа - почна да работи.
Си ја знае работата - знае што прави.
Лесна работа - нема проблем.
Лоша му е работата - не му оди добро.
Му отвори работа - му направи беља.
Му прави работа - му прави беља.
Не ти влегува во работа.
Среќна работа!
Страшна работа!
Ќе си има работа со него - ќе си има проблеми со него, си создава главоболка.
(прен.) Убава работа! - извик со кој се изразува неодобрување, укор.
Во што е работата? - во што е поентата?
Суштината на работата.