создаван (прид.)
Таа е зависна и независна, се „објективизира“ во природата и општеството, по степените од дадените и допрва создаваните појави на природата и општеството, во нивните најразлични, најмногубројни и сѐ повеќе растежни страни и форми.
„Значењето на Хегеловата филозофија“
од Кочо Рацин
(1939)
Чинго бил во допир со еден нов говор создаван врз традициите на селото, врз мудроста на фолклорните сознанија, но веќе изменет со една нова социјална ситуација на селото во кое сè повеќе се создаваат говори на одделните занаети, говори на новата политичка ситуација на луѓето, говори на дојденците, на бегалците, на повратниците.
„Големата вода“
од Живко Чинго
(1984)
Се работи, значи, за проза која е создавана со еден впечатливо самосвоен стил, за автор кој го нашол својот јазик во непосредниот контакт со изворите на својата проза.
„Големата вода“
од Живко Чинго
(1984)
Мајка ми уште в мугри беше на нога. Си имаше ред, создаван со години.
„Времето на козите“
од Луан Старова
(1993)
Токму козите „јаничари” ги спасувале луѓето од „нивните јаничари”, создавани од големите империи.
„Времето на козите“
од Луан Старова
(1993)
Иако е разбирливо дека Anemic-cinema не е резултат на секојдневна работа во студио, во овој седумминутен филм е оправдан фактот дека филмот бил создаван две години.
„МАРГИНА бр. 8-9“
(1994)
Тоа што се создавани во серијален метод во извесна мера го смалува интересот за нив.
„МАРГИНА бр. 10“
(1997)
Биле создавани неделни училишта, вечерни курсеви за возрасни, народни читалишта во Прилеп, Велес, Штип, Скопје, а во 1868 во Штип било отворено и првото педагошко училиште во Македонија.
„Џебна историја на македонскиот народ“
од Група автори
(2009)
Сето тоа предизвикало нови движења и незадоволства, биле создавани нови нелегални чети, се засилувале старите чети итн.
„Џебна историја на македонскиот народ“
од Група автори
(2009)
Но не барајте овој пат да се впуштаме во темелни објаснувања за тоа како е создаван тој небесен простор и каква е целта на необичниот зафат околу времињата.
„Желките од рајската градина“
од Србо Ивановски
(2010)
Колку можеш од целиот имот создаван со векови да собереш во една торба?
„На пат со времето“
од Петре Наковски
(2010)
Тоа беше голем пораз за европскиот човек и цивилизација, за сите институции создавани во текот на векови...
„Балканвавилонци“
од Луан Старова
(2014)
Камилски се насмеа, но потоа, прифати со сериозен тон: Смеата настрана, но нема збор што би можел, подобро од оваа поговорка да го долови не само албанскиот туку и целиот балкански инает, создаван и пластен во времето на османското владеење во нашите земји!
„Балканвавилонци“
од Луан Старова
(2014)
Татко често размислуваше за сложениот еврејски идентитет создаван најмногу во меандрите на егзилот, почнувајќи, според Стариот завет, од нивниот егзодус од Египет до нивната Ветена земја, од егзодот од Палестина, преку ропството под Римската Империја, прогонството од Шпанија, за централниот хебрејски јазик, но и за двата признати јазици на дијаспората јидиш на северните Ашкенази и јудеошпанскиот на јужните Сефарди.
„Балканвавилонци“
од Луан Старова
(2014)
