потсмевне (св.)
Само за стравои бил да му клава на човека. (Панде се потсмевнува.)
„Парите се отепувачка“
од Ристо Крле
(1938)
- Рисјанин си. Тие го заковале Риста на крст, се потсмевна Паљо.
„Улица“
од Славко Јаневски
(1951)
Бесмислено и здодевно ми се потсмевнуваше што со мака ги разликував „ч“ и „ќ“, сѐ додека сосем не престанав да ги разликувам.
„Улица“
од Славко Јаневски
(1951)
Тие се погледнаа едно со друго како да се колебаат дали да се восхитуваат или да ѝ се потсмевнат.
„Луман арамијата“
од Мето Јовановски
(1954)
Има такво нешто кај нашите борци: се дружат, залченце тврдо и отпушок делат, се бијат и се плашат еден за друг, но понекогаш во себе сакаат да ѝ се потсмевнат на туѓата неволја.
„Кловнови и луѓе“
од Славко Јаневски
(1956)
Но, првото, што ќе го видеше секој на тоа лице, беше токму онаа единствена негова добрина на погледот, пред која секој мораше да се посмевне, да се отвори, иако таа во себеси криеше и нешто многу диво, нешто многу просто и сериозно.
„Белата долина“
од Симон Дракул
(1962)
Едни луѓе кои божем се тука со мене, а се отаде реките, ми велат скоро потсмевнувајќи ми се: - Кој си ти да се буниш! Ти уште не постоиш.
„Балканска книга на умрените“
од Мето Јовановски
(1992)
И додека некои од селаните гледајќи ѝ го мевот, се потсмевнуваа и си дошепнуваа, дедо му на Богдан, татко му, мајка му, се радуваа што невестата им доаѓа дома проверена и со сигурност ќе им ја зарадува куќата и ќе им ја продолжи лозата.
„Животраг“
од Јован Стрезовски
(1995)
Се занишаа селаните потпрени врз веалките, се потсмевнаа со ќошињата на очите, ги затресоа бечвите и крпениците, ја подголтнаа празнината со сувите усти, зашто немаше што друго да проголтаат.
„Захариј и други раскази“
од Михаил Ренџов
(2004)
Целиот клас се смее, и јас се потсмевнувам, зашто е тоа сега најпаметно, а и зашто уште не сум заправо ни свесен колку тешки душевни самокамшикувања ми претстојат заради остриот спомен на овој миг.
„Послание“
од Блаже Конески
(2008)
Се погледаа и Рангел задоволно и значајно се потсмевна. - Кој? Јас тебе душицата ти ја знам.
„Послание“
од Блаже Конески
(2008)
Кочо се потсмевна заради ова наговарање.
„Послание“
од Блаже Конески
(2008)
Додека поминував покрај неа, како да поминував низ розов облак! - додаде Вртанов по сосема кратка пауза Се потсмевнав.
„Желките од рајската градина“
од Србо Ивановски
(2010)
Си се потсмевна самиот себеси и заборави на тоа.
„Човекот во сина облека“
од Мето Јовановски
(2011)
Шеретски ме погледна дедо, се потсмевна под мустак и продолжи: - Така де, во книгата не пишува така, ама со умот треба да си кажуваш.
„Големата удолница“
од Петре Наковски
(2014)
