наведнат (прид.)
Одев со глава замаен наведнат, мртов, зачмаен, одев со грутка на срце и каракамен на гради.
„Бели мугри“
од Кочо Рацин
(1939)
Набожни, озлобени, додворливо наведнати пред власта, иако многумина од нив луто ја мразеа нејасно и потајно барајќи нешто што не ќе е вака - жандармско, даночно, грабливо, нешто што ќе е без тешки потковани чевли под чии клинци тие се виткаа со бавност на црви.
„Улица“
од Славко Јаневски
(1951)
Наведнат полесно ќе ги види дамките што не биле и што не се ’рѓа.
„Кловнови и луѓе“
од Славко Јаневски
(1956)
Стрико Благоја ги испрати со поглед, им довикна да го побараат кога ќе се вратат пак на овој терен и полека, со наведната глава, појде назад.
„Кловнови и луѓе“
од Славко Јаневски
(1956)
Во него остана само уште една желба - да разбере каква е таа полна воденичарска вреќа, покриена со шубара и наведната над него.
„Кловнови и луѓе“
од Славко Јаневски
(1956)
Скржавата селска ракија од див плод мириса на тврда земја и носи таговност, празна тага, брзо пијанство. беа наведнати над селска софра, со запалени грла од посна чорба.
„Две Марии“
од Славко Јаневски
(1956)
Му ја поткрена наведнатата глава и му се заѕури во големите крвави очи – Кажувај, бре сине на ѓаволот? Сега пак те поткупија?
„Калеш Анѓа“
од Стале Попов
(1958)
Молчеа немо, со наведнати гранки натежнати од снегот.
„Било едно дете“
од Глигор Поповски
(1959)
Отиде и ја донесе прачката. После дуваше во врелите дланки а во очите на неговата наведната глава светкаше бел порцелан.
„Месечар“
од Славко Јаневски
(1959)
Го виде раѓањето на градските светилки и се сети на една крчма во која како крв шумеше бела ракија. Побрза наведнат и исклештен како вепар.
„Месечар“
од Славко Јаневски
(1959)
Само малку пред тоа... „Оставете нѐ сами“, му рече добродушното старче на Ивана и го извлече прстот од намотаниот свилен прстен на брадичето а тој, до грло во бело, ги извади рацете од џебовите на својот тесен мантил и излезе со наведната глава и нечујни чекори.
„Месечар“
од Славко Јаневски
(1959)
Се поткренаа наведнати фигури, отпрвин лабаво и тешко, заврзаа оро.
„Пустина“
од Ѓорѓи Абаџиев
(1961)
Дури тогаш ја подигна главата и можеше да види дека зад него всушност ниеднаш и немало никаква мечка дека насекаде зад него стојат само огромните буки, израснати во снегот и високи, наведнати под окитот.
„Белата долина“
од Симон Дракул
(1962)
Нажалена, со наведната глава излезе во училишниот двор.
„Градинче“
од Бистрица Миркуловска
(1962)
Молчев со наведната глава и се чувствував како виновник - можеби нацртав лоша сенка. - Како папагал без крилја...
„Сенката на Карамба Барамба“
од Славко Јаневски
(1967)
Лангачот ја држеше наведнато главата и којзнае што мислеше кутриот.
„Дружината Братско стебло“
од Јован Стрезовски
(1967)
Поголтнавме со наведнати глави. Тетка Анѓа го напушти училиштето и премина кај некоја пријателка во селото.
„Дружината Братско стебло“
од Јован Стрезовски
(1967)
Со наведнати глави, замислени, брзаа мажите во селското училиште.
„Волшебното самарче“
од Ванчо Николески
(1967)
Наведната над пиперот, мајка му береше пиперки.
„Волшебното самарче“
од Ванчо Николески
(1967)
4. Наведната врз земјата Сончогледите го слушаат напевот на црната боја И темнеат усамени и голи.
„Камена“
од Анте Поповски
(1972)
