магазин (м.)
Притрчува на прсти. Вратата, како да го очекува неговото допирање, го пропушта во темната утроба на магазинот.
„Пустина“
од Ѓорѓи Абаџиев
(1961)
Не сети како го помина просторот од пристаништето до оваа тесна улица каде што се потајува во бујната зеленина на бршленот вратата на магазинот.
„Пустина“
од Ѓорѓи Абаџиев
(1961)
Претрчај до вратата на магазинот. Оној таму ќе мора да го убиеш.
„Пустина“
од Ѓорѓи Абаџиев
(1961)
Овде се или во некој ресторан, ахчилница, слаткарница - на сладолед и млеко, или во шкембекчилниците, или во некој магазин каде што се пазарат со продавачите, или пак - се вџашуват пред ветрините на златарските дуќани.
„Патувања“
од Никола Кирков
(1982)
Ако пак сте решиле, на пример, во Мичурин да купите леб, млеко, слатки или сладолед, или која било друга ситница, осудени сте да чекате на ред пред магазините и дуќаните.
„Патувања“
од Никола Кирков
(1982)
Човек треба специјално да се вооружи со трпение, ако реши да купува било што - од леб, заленчук и овошје, па сѐ таму до најобични нешта во трговските магазини.
„Патувања“
од Никола Кирков
(1982)
Приквечерината тројцата отидовме во Музичкиот магазин во центарот на градот.
„Клучарчиња“
од Бистрица Миркуловска
(1992)
Со коса црвеникава како перика и темни очила, постојано купуваше плочи во музичкиот магазин.
„Слово за змијата“
од Александар Прокопиев
(1992)
Се запознава со Тед Хјуџис, кој работи за „де Менилс“ во Тексас; подоцна станува претседател на Енди Ворхол институцијата и магазинот Интервју. „Фектори“ се преселува на Јунион Сквер во западен Њујорк.
„МАРГИНА бр. 11-12“
(1995)
Набргу потоа слушнав и за Zap Comix. Тогаш обично го читав Eye, еден псеудо-културен магазин за млади.
„МАРГИНА бр. 22“
(1995)
Гронинг: Можеби мојот најомилен стрип магазин во моментов.
„МАРГИНА бр. 22“
(1995)
Овие огласи (како што името им вели) буквално скокаат од магазинот што го читате!
„МАРГИНА бр. 11-12“
(1995)
Сериозноста на сликите и скулптурите досега нудеа, меѓу другото, бегство од светот на хамбургерите и евтините магазини, а најповеќе од постојаната пресија на рекламите, филмовите и телевизијата.
„МАРГИНА бр. 11-12“
(1995)
Ние не сме уредници на големите магазини.
„МАРГИНА бр. 17-18“
(1995)
Единствено нешто на што се сеќавам беше Arcade, но и тој изгледаше како времето да му поминало, а друг магазин што би можел да го замени, немаше.
„МАРГИНА бр. 22“
(1995)
Неговиот стил беше популаризиран со работата во краткотрајниот сурферски магазин Beach Culture и во првите 30 броеви на магазинот .
„МАРГИНА бр. 36“
(1997)
Ернст е новинар, уредник во надворешно- политичката редакција на еден угледен виенски магазин.
„МАРГИНА бр. 35“
(1997)
Стотици цркви беа срамнети со земја, други беа адаптирани во работилници и фабрики, магазини, штали, киносали.
„Атеистички музеј“
од Луан Старова
(1997)
Овој кварт, во кој се наоѓала Банката бил познат како „Франк-маало“ и тука биле сместени уште католичката катедрала, француската болница, женското училиште раководено од француски сестри, американската и шкотската мисија, солунската банка и голем број магазини на крупни трговци.
„Солунските атентати 1903“
од Крсте Битоски
(2003)
И набргу, почнав да произведувам текстови со широк дијапазон, од оние за политички дневници до оние за „женски“ магазини.
„Човекот со четири часовници“
од Александар Прокопиев
(2003)
