локација (ж.)
Ми раскажа дека спечалил пари за да може со нив да купи современи машини за еден авто-сервис и сега бара локација за сервисот.
„Патувања“
од Никола Кирков
(1982)
Политиката на локација функционира како стратегија на отпор.
„МАРГИНА бр. 1“
(1994)
Уживањето во каламбури и игри на зборови со двојни и тројни значења и воопшто во енигмата, воведе интерпретирачки механизам кој своите извори ги лоцираше во најодалечените локации - средновековната алхемија, или во таканаречената Кабала или во класична Грција.
„МАРГИНА бр. 3“
(1994)
Смислата за локација, за мене мора да смета со присеќавањето, или развитокот на алтернативни генеалогии.
„МАРГИНА бр. 1“
(1994)
Во нејзините политички примени политиката на локација го одредува личниот пристап кон времето и историјата.
„МАРГИНА бр. 1“
(1994)
Свечената посветена вечера е локација за четирите насловни лика која не се разликува од едно воено поле со биолошки зададени правила.
„МАРГИНА бр. 8-9“
(1994)
Секогаш бев многу чувствителен кон неговата визија, бидејќи откако ја открив Планината на Вистината, единствена локација во Швајцарија и воопшто во Европа, постојано се интересирам за историјата на визионерите.
„МАРГИНА бр. 11-12“
(1995)
Роботичкото телеприсуство доведува до правовремена човечка ефективност на едно реално место во светот без да има човечко суштество од крв и месо на таа локација.
„МАРГИНА бр. 15-16“
(1995)
Во секој случај, се смета дека формирањето на домашна територија произлегува од внатрешен територијален нагон или инстинкт, со прецизна централна локација во мозокот.
„МАРГИНА бр. 29-31“
(1996)
Ми беше оставена во наследство една од можните варијанти на враќањето без просторна и временска локација!
„Атеистички музеј“
од Луан Старова
(1997)
На дваесетина локации во Љубљана летово минувачите беа изненадени со поставените бело обоени поштенски сандачиња врз кои Давиде Грасси, италијански уметник кој моментно работи во Словенија, на четири светски јазици ја “изложи” својата изјава која минувачите би требала да ги запознае со општествено-социјалниот контекст на уметникот и уметноста воопшто.
„МАРГИНА бр. 35“
(1997)
И Бај Шишко смета дека претходна локација на селото е Новосељ оти само од тука,вели, може бишка да избега преку Пеква Капина и Рамнинката до Главито.
„Исчезнување“
од Ташко Георгиевски
(1998)
Значи селото се местело на три локации, и секојпат или некое било меѓу првата и втората локација или некој трап, важно не се бегало далеку, се останувало во еден синор.
„Исчезнување“
од Ташко Георгиевски
(1998)
За денот на екологијата ја пошумувавме локацијата „Маркови Шуми“ - регион заштитен со закон.
„Тополите на крајот од дедовата ливада“
од Бистрица Миркуловска
(2001)
Во писмото кажуваат дека има можност локација за современа градска депонија да биде во експлоатираните окна на рудникот Осломеј.
„Тополите на крајот од дедовата ливада“
од Бистрица Миркуловска
(2001)
Гетото има практична локација: поставено близу до железничката станица, ги брои сѐ помасовните транспорти со мажи, старци, деца, девојки, трудни жени, млади брачни парови земени неодамна во една, во тие околности неочекувана и чудна епидемија на свадби што се случуваат и по сто на ден, но и на болни, исцрпени, предсмртни и млади, здрави, полни со живот, очајни луѓе.
„Светилка за Ханука“
од Томислав Османли
(2008)
Понекогаш самиот поединец може да е носител на границата, на пр. носењето предаватели за следење на локацијата од страна на затворениците на условна казна – тие можат слободно да се движат, а сепак се под постојан надзор, или припадници на пониските касти во индиското општество.
„Простори на моќта“
од Зоран Попоски
(2009)
„Земјата на потекло не е важна. Локација на седиштето не е важна.
„Простори на моќта“
од Зоран Попоски
(2009)
Договорен систем за означување на локацијата на нарачката и на одговорноста за нејзино плаќање - каде треба да се однесе чоколадото, и кој треба на крај да ги изброи парите.
„Сонце во тегла“
од Илина Јакимовска
(2009)
Моите амбасади без конкретна историска локација во времето продолжуваа на еден друг начин да постојат во мојот живот, како негов дел, во продолжение на моите денови од животот, во времето кога беше исчезнато нивното некогашно официјално значење, запрено само во заборавените архивски документи...
„Амбасади“
од Луан Старова
(2009)
