кијамет (м.)
Не е у другта, испадна да причека адно другар, ки са врне, нема кај да оде на вакво кијамет! вели Пена и снова по одајката, де отвора сандук во ќошот, де влече фиока од креденчето донесено од Гаково, реди работи на подавалникот за да ги почести гостите.
„Црна билка“
од Ташко Георгиевски
(2006)
Мајка не престануваше: – Црни ние, каков кијамет нѐ снајде.
„Ервехе“
од Луан Старова
(2006)
Дупката што ја продупчи бомбата, не беше голема. Ама беше направила кијамет во визбата.
„Ервехе“
од Луан Старова
(2006)
Откако ме прегрна, продолжи да си ја гледа емисијата, велејќи: – Глеј, сине, пусти ние, што ни се случува во родната земја. Кијамет.
„Ервехе“
од Луан Старова
(2006)
Речи сега право, не сме во некој кијамет да се лажеме, што ќе сакаш, кардаш, да бидеш откога ќе се потурчиш?
„Вежби за Ибн Пајко“
од Оливера Николова
(2007)
Таа нивна цврста прегратка им даваше дополнителна духовна сила со која на болестите гледаа како на ветровен кијамет, кој дува и поминува. ***
„Последната алка“
од Стојан Арсиќ
(2013)
Најголеми кијамети има на Балканот: двете балкански и светски војни.
„Балканвавилонци“
од Луан Старова
(2014)
Изборот за дебатирање со Татко за судбината на заемките, за означување грижа, мака, тегоба: саклет (siklet на арапски), зулум, зор, зорт, зарурет, изиет, кијамет.
„Балканвавилонци“
од Луан Старова
(2014)
Поголеми кијамети немало, макар што е еден кијаметот, односно судниот ден!
„Балканвавилонци“
од Луан Старова
(2014)
