изџвака (св.)
Но не можеше да ја изџвака, начнувајќи ја малку по малку, еднаш сосем да ја голтне - и неа и човекот, и сите болки во таа облека и во тој човек.
„Кловнови и луѓе“
од Славко Јаневски
(1956)
Ќе вртиш цел ден околу стожерот, ќе цапаш низ населените снопје дури да го истресиш зрното, да ја изџвакаш сламата.
„Пиреј“
од Петре М. Андреевски
(1983)
Ме топлат со дишењето што им мириса на изџвакана трева, на преживана лигушка.
„Пиреј“
од Петре М. Андреевски
(1983)
Пејотл копчињата (пејотл е мескалин во својата природна форма) можат да се сомелат, а потоа да се изџвакаат или пушат.
„МАРГИНА бр. 8-9“
(1994)
Брзо ги изџвакавме нашите сендвичи и излеговме надвор.
„МАРГИНА бр. 35“
(1997)
- Леле, ако Фрањо ми се пикнал во цртежите и ако ми ги изџвакал!
„Игбал, мојата тајна“
од Јагода Михајловска Георгиева
(2000)
Оти од раѓање знаеме дека кој молчи ќе изџвака повеќе еукалиптус И спокојно ќе си сонува а сите знаат дека За секоја коала сонот е од првостепено значење И така демек слушам двајца кајшто се расправаат баш за соновите
„Сонот на коалата“
од Ристо Лазаров
(2009)
Сам за себе си мрмореше и си мислеше како е подобро овде на раат да си ги изџвака залаците отколку дома да ги голта под надзор на неговата воинствена мајка. ***
„Последната алка“
од Стојан Арсиќ
(2013)
Да, продолжи Камилски откако добро го изџвака и голтна залакот од јадењето, има повеќе приказни за тоа од каде потекнува името на ова вкусно јадење онесвестениот имам!
„Балканвавилонци“
од Луан Старова
(2014)
