запролети (св.)
Кога запролети тие двајца знаеја да го затворат своето дуќанче и во неделните попладниња да заминат на фудбалските натпревари.
„Белата долина“
од Симон Дракул
(1962)
Сега мајските дни ја запролетија Софија и ја облекуваат во нејзиното зелено и цветно руво и затоа таа пак се разубавува.
„Патувања“
од Никола Кирков
(1982)
- А не- рече поп Доне. – Штом запролети, ќе ископачам некое нивче некаде по ридиштава, или кај че се најде.
„Крстот камбаната знамето“
од Мето Јовановски
(1990)
Запролети. Заборавив на настанот во туѓата земја.
„Захариј и други раскази“
од Михаил Ренџов
(2004)
Штом ќе здогледаа гулаб и младо и старо од сите маала во градот помислуваа на русата глава и сините очи на Мише, штом ќе запролетеше сите помислуваа на дворот негов на разгугутените гулаби и белиот гулабарник.
„Захариј и други раскази“
од Михаил Ренџов
(2004)
Кога ќе запролети ширум ќе го отворам прозорецот од сабота на мајка ви, рече Трендафил.
„Ласа“
од Наташа Димитриевска Кривошеев
(2011)
