допаѓа (св.)
ЛУКОВ: ... Не ми се допаѓаат задоцнувањата. Во нашава работа задоцнувањата се плаќаат многупати со глава.
„Црнила“
од Коле Чашуле
(1960)
Побргу, зашто не ми се допаѓаат очите со кои ја гледа Луков.
„Црнила“
од Коле Чашуле
(1960)
И тргна Димче Волшебникот да ужива по улиците, да ги казнува оние што не му се допаѓаат и не му ги исполнуваат желбите.
„Билјана“
од Глигор Поповски
(1972)
- Сите ли подеднакво ти се допаѓаат? - ме потпраша мајка ми.
„Јас - момчето молња“
од Јагода Михајловска Георгиева
(1989)
Мајка ми глас не пушти. Само, скришум од дедо и од тате, секогаш кога нивниот разговор не ѝ се допаѓаше и ја плашеше, таа ќе се прекрстеше.
„Крстот камбаната знамето“
од Мето Јовановски
(1990)
Најмногу му се допаѓаше тресената риба од која беа извадени сите коски.
„Злодобро“
од Јован Стрезовски
(1990)
Играа по тактот на мелодиите што ги слушаа иако не ги знаеја игрите: танго, валцер, фокстрот, чарлстон, самба, румба, рокенрол, ча-ча-ча, боса нова, полка, а најмногу ламбада која беше хит и која почесто ја повторуваа и чиишто ритам најмногу им се допаѓаше.
„Прва љубов“
од Јован Стрезовски
(1992)
„ Да“, рече тој. „Им се допаѓаше да си ја допреш шапката пред нив. Тоа беше знак на почитување.
„1984“
од Џорџ Орвел
(1998)
Ми се допаѓаше таа шминка, нејзината белина како маска и јасно црвените усни.
„1984“
од Џорџ Орвел
(1998)
И натаму во животот имав такви ситуации во кои се убедував дека власта ја интересира само едно исто прашање: кој е автор на текстовите кои нејзе не ѝ се допаѓаат, и кој е тој што се осмелил.
„Папокот на светот“
од Венко Андоновски
(2000)
Ништо не ми вреди што се сите од странство, што на моите другарки им се допаѓаат и би сакале да ги имаат, што ме прашуваат каде сум ги купила, па кога ќе кажам од кој град и која земја ми ги донеле мајка ми или татко ми, се воодушевуваат.
„Игбал, мојата тајна“
од Јагода Михајловска Георгиева
(2000)
Мене не ми се допаѓаше; беше премногу влакнест, а јас природно имам одбивност кон такви мажи.
„Папокот на светот“
од Венко Андоновски
(2000)
На тетин ти Боге не му се допаѓаше тој и таков Голем Тодор.
„Жената на белогардеецот“
од Србо Ивановски
(2001)
Но се покажа дека токму ваквото однесување на татко ти најмногу му се допаѓаше на Иван Степанович.
„Жената на белогардеецот“
од Србо Ивановски
(2001)
Велат дека таму, во сепарињата на таа кафеана, се плетела и се расплетувала темната страна на нашиот живот, а тоа беше животот на многумина злосторници, кои наеднаш ќе осамнеа како убијци, како учесници во злостори, како уценувачи на видни граѓани кои на некои други видни граѓани не им се допаѓале.
„Жената на белогардеецот“
од Србо Ивановски
(2001)
Идејата што на Едо писателот му падна на памет при средбата со својот истоименик, не само што му се допаѓаше туку го правеше и нестрплив што поскоро да ја оствари.
„Продавница за љубопитните“
од Мето Јовановски
(2003)
„Сѐ додека сме заедно – дома сме“. Тоа на Летка ѝ се допаѓаше.
„Продавница за љубопитните“
од Мето Јовановски
(2003)
Најмногу би му се допаѓала бројката седум, но тоа веќе би било претерано очекување.
„Продавница за љубопитните“
од Мето Јовановски
(2003)
Ете, ѝ се допаѓаш, иако ја изгази.
„Чкртки“
од Румена Бужаровска
(2007)
- Ти се допаѓаат ли надреалистите? Јас мислам дека се интересни.
„Чкртки“
од Румена Бужаровска
(2007)
