двориште (ср.)
РИСТАЌИ: (слегува и додека стигнува до портата од двориштето со себе си).
„Антица“
од Ристо Крле
(1940)
Двориштата се заградени со камени ѕидишта и затоа селото има и улици.
„Крпен живот“
од Стале Попов
(1953)
Сѐ што имаше се исфрли надвор и сејмените прибираа што можеа да понесат, а што не можеа, кршеа, туркаа, сечеа со јатаганите, и расфрлуваа по двориштата.
„Калеш Анѓа“
од Стале Попов
(1958)
Од соседните клупи и двориштето идеше бујна врева.
„Пустина“
од Ѓорѓи Абаџиев
(1961)
Ќе го искршиме првиот ќунк на парчиња и ќе ги раз'рваме другите по него и така ќе се промолкниме еден по друг. А ми рекоа дека надвор од двориштево ѓеризот е ѕидан со плочи, четвртаст и толку широк што не ќе има потреба да го прошируваме.
„Толе Паша“
од Стале Попов
(1976)
Околу средето на зимата се досвршија дрвата по двориштата и аскерот почна да гори сѐ она што беше од дрво направено.
„Толе Паша“
од Стале Попов
(1976)
На поплочена плоштатка пред црквата, во камено корито, низ железна шепурка, живо и осамено истураше чешма, а во неограденото и заедничко двориште на црквата и населбата, околу кошарки од врбови прачки, кои беа начепени со лепешки измешани со плева и помеѓу кои се шеташе живина, шумно се роеја улишта.
„Потковица на смртта и надежта“
од Миле Неделкоски
(1986)
Се запре работата во фабриката, нѐ изведоа во логорското двориште.
„Небеска Тимјановна“
од Петре М. Андреевски
(1988)
Ми стојат онака ко светци на средината од затворското двориште.
„Небеска Тимјановна“
од Петре М. Андреевски
(1988)
Таму каде што ќе поминеш, со најубавите снегулки од мојава душа посипи ги домовите и двориштата на сите што ќе те пречекаат!“
„Авантурите на Дедо Мраз“
од Ристо Давчевски
(1997)
А уште почесто зема од чифчиите да работат по бавчите и двориштата на агите, а по извршената работа, ако си ја бараат платата, од ќајата добиваат само ќотек.
„Вежби за Ибн Пајко“
од Оливера Николова
(2007)
Скитам и питам по туѓи дворишта.
„Читај ми ги мислите“
од Ивана Иванова Канго
(2012)
