балерина (ж.)
По волја ли ќе е една мала балерина за вашето тоалетно масиче? Заради расположение. Три динари, повелете.
„Улица“
од Славко Јаневски
(1951)
Поети, трактористи, мотористи, оперски пејачи, балерини, свирачи, хористи, артисти, река, туку си тече.
„Големата вода“
од Живко Чинго
(1984)
Се фати со рацете за половина и врцна лево и десно како балерина.
„Јанsа“
од Јован Стрезовски
(1986)
...големиот закон на природноста наспроти квадрантите промислата наспроти оправдувањето лебедот наспроти кристалот крв слободна од телото се простира пред окото зад извикот таму каде чека твојата сребрена чевличка твојот заден траг... знаците од сонот или сонувачите како алтернативци ...отежната од змиските клопчиња гранките се веднат скоро до паднатите лисја зошто оттаму од живите шуми ме потсеќаш на своите боси стопала јас не сум лошиот родител ниту ти оставеното дете тие чудовишни црнобели слики се сосема предвидлива компензација за отсатноста сонот место допир декорот го бираме наизменично ноќва се моите змии шумите следната ноќ возењето во спротивна насока распарченото тело на асфалтот крваво што го љубиш осветлена во трикото на невина балерина потоа јас летот над градот по ехото на твојот глас па ти појадокот во природа со заборавените заеднички пријатели...
„Или“
од Александар Прокопиев
(1987)
Не кажав за љубовната врска меѓу балерината Клавдија и пејачката Ники.
„Небеска Тимјановна“
од Петре М. Андреевски
(1988)
Влегувам во амбулантата: во чекалницата седи само балерината Клавдија.
„Небеска Тимјановна“
од Петре М. Андреевски
(1988)
На бината се вртат балерините: ги усогласуваат движењата, ја совладуваат рамнотежата. Водат Ирина и Клавдија.
„Небеска Тимјановна“
од Петре М. Андреевски
(1988)
Двосмислена е: вита балерина со лице на старица, или дебела жена од пазарот што зборува милозвучно како самовилска мајка.
„Слово за змијата“
од Александар Прокопиев
(1992)
И излегувам (во повеќето мои песни излегувам), и среќавам (секогаш некого среќавам): исцрпени балерини напатени (по цела ноќ ми танцуваат во сништата).
„Зошто мене ваков џигер“
од Јовица Ивановски
(1994)
Пред вратата од катедралата стојат Богдан и Марија фатени под рак; Марија во едната рака држи букет цвеќе; облечена е во невестински фустан со широки набори и тантели, стегната во половината како балерина, а на главата бел превез и венче; Богдан е во црни алишта и со бело шамиче во малото џепче; насмевнати се, весели се; крај нив се неколку машки и женски прилики и неколку дечиња раштркани и неподготвени за сликање.
„Животраг“
од Јован Стрезовски
(1995)
„Ама не само заради балерина. Задутре ќе станеш ученичка.
„Тополите на крајот од дедовата ливада“
од Бистрица Миркуловска
(2001)
Во млекото има калциум. балерина треба да има цврсти коски.“
„Тополите на крајот од дедовата ливада“
од Бистрица Миркуловска
(2001)
- Добро, како балерина. - Ама балерините не носат куси чорапчиња.
„Тополите на крајот од дедовата ливада“
од Бистрица Миркуловска
(2001)
- Не, ние сме балерини - нежно го поправа едната.
„Човекот со четири часовници“
од Александар Прокопиев
(2003)
Во десната рака, најчесто, носеше стаклено бокалче за вода, покриено со утлеисана тантела, на нозете пандофли со црвени туфки, облечена во лито фустанче со карнери околу вратот и ракавите, со ситен чекор на балерина или на препелица.
„Захариј и други раскази“
од Михаил Ренџов
(2004)
Далеку сме од Лебедовото Езеро. Најпосле во недостиг на грациозните балерини, овие танчари ќе продолжат можеби да го спасуваат битното.
„Потрага по Елен Лејбовиц“
од Луан Старова
(2008)
Ако си вистинска балерина, ќе играш врзана, без раце и нозе, без музика, без рефлектори. Нема не сакам, нема не можам.
„Одбрани драми“
од Горан Стефановски
(2008)
- Тоа дете, имаше многу лоша среќа, мајка му почина таму во Австралија ... едвај успеав да го донесам овде, колку-толку, да му обезбедам дом и некаква грижа ... потоа доживеа сообраќајна несреќа и го загуби едното око ... и таа е балерина сега, во средното балетско училиште ... но немаме никакви средства за да напредува во училиштето, а многу е талентирана ... огромна штета би било...
„Вител во Витлеем“
од Марта Маркоска
(2010)
- Значи г-ѓо, вие сте? - Јас сум Валентина, бивша балерина по занимање... - почна гласот да ѝ трепери веќе на втората реченица.
„Вител во Витлеем“
од Марта Маркоска
(2010)
Тоа, значајно е, не подразбира родова неволја за дивите, за балерините и за глумиците.
„Како да се биде геј“
од Дејвид Халперин
(2019)
