ангарија (ж.)
Сиот народ е истеран да работи. Ангарија. Да можат и мртвите ќе ги скорнат да помагаат. 238
„Пиреј“
од Петре М. Андреевски
(1983)
А за ангаријата да не зборувам. Откако се замомчив само ангарија работам за нив...
„Постела на чемерните“
од Петре Наковски
(1985)
Некои се интернирани, а некои поради одминати години седат дома, многу работат ангарија.
„Постела на чемерните“
од Петре Наковски
(1985)
Појди, ќе ти помогнат. Ќе им требаш на беговите за ангарија.“
„Забранета одаја“
од Славко Јаневски
(1988)
Го плаќале редовно данокот на државата, кога требало давале ангарија, а никој не пофтел ништо да стори.
„Бунар“
од Димитар Башевски
(2001)
Ако ме одбиеш, бак бурда - апсаната ми е полна со околу триста ѓаури: кој не платил данок, кој е робен, кој е против Мухамеда, кој колнел Турци - е па, речеш ли жне' и не ме послушаш, сите нив ќе ги пратам да веслаат на корабите, а уште толку невини кавури ќе испратам на ангарија во Мала Азија, а во нивните куќи ќе населам Турци Анадолци!
„Вежби за Ибн Пајко“
од Оливера Николова
(2007)
На турскиот кајмакам му должите 22 дена ангарија. Тој љубезно ве отстапи.
„Одбрани драми“
од Горан Стефановски
(2008)
Во XI век во Македонија се засилила феудалната експлоатација од крупните македонски и туѓи феудалци кои располагале со големи имоти и утврдени замоци, земале голем данок и за нив работеле бесплатно (ангарија) многу зависни луѓе, а населението било задолжено и со обезбедување на храна за војската и нивно сместување.
„Џебна историја на македонскиот народ“
од Група автори
(2009)
Патот беше граден триесеттите години. Ангарија работеа селаните од околните села.
„На пат со времето“
од Петре Наковски
(2010)
Сите нас големците на грцкио аскер не собрае и не кладое ангарија да прајме.
„Големата удолница“
од Петре Наковски
(2014)
Татко посебно внимание им посвети на ориентализмите кои означуваа разни давачки и такси што ги давало населението како: ангарија (со потекло од грчкиот во турскиот јазик angarya); арач (од арапски hara); бедел, замена, воен данок, замена за еквивалентна вредност, замена за воен обврзник (од арапски bedel); баждарина, баждарлак, баждар, такса за внесување стока во градот (од персиски bac); кафе-оџак-параси, вид данок што го уплатувале агите и делибашите во прилог на пашата (од турски kahve ocak parasi); ихтибаре, такса за право на тргување (од турски ihtibare)
„Балканвавилонци“
од Луан Старова
(2014)
