аир (м.)
Та се житце не зелени та се грозје не румени, та од пуста селска мака аир нема дур од века?
„Бели мугри“
од Кочо Рацин
(1939)
— А бре, какво запопуање, аир да не сториш! токо м'чи, ќе нѐ караат, и слушај, види шо убаво зборуа ..попчето!“ — го кара Стојо Јована.
„Крпен живот“
од Стале Попов
(1953)
Се знае: каде лази мариовска и полска вошка, таму има аир, а од оние суртуцине: плетварци, оровчани, крстечани, деништави, небрежани и други пограѓанети селани можат само Долзите, Зојчевци и Даут да се користат по нешто, и тоа слаба работа, од некоја басмичка.
„Крпен живот“
од Стале Попов
(1953)
Кога ти велеше ваа онаа ти, море опечали се, брату, опечали се, та ако чекаш на друг никогаш нема аир да видиш!
„Крпен живот“
од Стале Попов
(1953)
Ако не ме послушаш, аир од очите да не видиш.
„Кловнови и луѓе“
од Славко Јаневски
(1956)
Налутен како рис прв дотрча кај војводите и уште од педесет метра почна да вика и псуе: — Ами вака ли, море коркари, ќе го падеме Турчинот, слепци да водите што го зедоте на душа народот, аир да не сторите во очите да рече господ златен!
„Толе Паша“
од Стале Попов
(1976)
Трајко ги собра рамениците и повтори. — Аир ефендум; ни знам, ни абер имам за такво нешчо.
„Толе Паша“
од Стале Попов
(1976)
Слепиот Тимон им викаше на луѓето: „Работата гледајте си ја, луѓе: не одете по умот нивни, зашто ќе ви го однесат; и персискиот цар не видел аир од нив: за да им го олесни тешкиот живот на луѓето, побарал од царот на Индија да му испрати даровити музиканти што ќе го веселат народот.
„Свето проклето“
од Јован Стрезовски
(1978)
Таа се омажи таму со аир, откако отиде почнаа Илиевите уште повеќе да се богатат.
„Бунар“
од Димитар Башевски
(2001)
Ако не крцкаат штиците на душемето кога ќе чекори невестата по куќи, никој нема да види аир од неа, а најмалку мажот и децата”.
„Ервехе“
од Луан Старова
(2006)
Кој видел аир од книги на Балканот, и тоа од толку многу книги?!
„Ервехе“
од Луан Старова
(2006)
Дедо ја смируваше, велеше дека од книгите аир ќе видат, ама се согласуваше со баба дека нема да им биде лесно.
„Ервехе“
од Луан Старова
(2006)
Каков аир ако пак стане рисјанин, кога Калија не е со него?
„Вежби за Ибн Пајко“
од Оливера Николова
(2007)
Никој не се ќердосал и не видел аир од грабење!
„Вежби за Ибн Пајко“
од Оливера Николова
(2007)
Нејсе уште понајнакрај и кого ќе пцујат и против кого ќе се бунтуваат Сите оние кои сркнале од американската мирудија во секоја чорба И го виделе аирот од извозот на слобода и демократија Макар што нивните татковци сѐ уште ги паметат Трумановите јајца во прав А прав и пепел им се стори слободата сосе животниот стандард А децата им се познати по тоа што во својство на стечајни работници
„Сонот на коалата“
од Ристо Лазаров
(2009)
Од него ниту богатите нема да видат аир, ниту сиромавите!
„Амбасади“
од Луан Старова
(2009)
- Батали жено, кој видел аир од земја.
„Последната алка“
од Стојан Арсиќ
(2013)
Заклучувајќи дека касметот има универзално значење, дека дури и самото создавање претставува обликување на судбината, Камилски предложи и овој збор да им се придружи на претходните од истиот круг (инаетот, севапот, атерот, аирот), чинејќи посебна целина и означувајќи постојано присуство во балканскиот менталитет.
„Балканвавилонци“
од Луан Старова
(2014)
На инаетот, севапот и атерот истакна Камилски би можел да се надоврзе зборот аир, со потекло од турскиот збор hayr, а тој од арапскиот khjr`un.
„Балканвавилонци“
од Луан Старова
(2014)
Беше очигледно дека Камилски ќе ја исполни нормата на денот продолжувајќи да ги толкува и останатите заемки севапот, атерот, аирот и ксметот.
„Балканвавилонци“
од Луан Старова
(2014)
