а   б   в   г   д   ѓ   е   ж   з   ѕ   и   ј   к   л   љ   м   н   њ   о   п   р   с   т   ќ   у   ф   х   ц   ч   џ   ш

прими

примат; прилил; примен, (ќе) примев, (ќе) примел; преимено
Вид збор: Глагол, свршен
Ранг: 1223
1. Пречека некого во својот дом.
Англиски: receive Албански: pranoj
Примери:
Нашите пријатели нè примија многу срдечно.
Тој ме прими како најблизок.
2. Пречека некого во канцеларија или ординација и даде услуги.
Англиски: receive Албански: pranoj
Примери:
Лекарот ги прими сите пациенти од чекалницата.
Деновиве ќе го примеле на одделни средби претседателот на Управниот суд.
3. Пречека некого во официјална посета; поздрави гости.
Англиски: receive Албански: pranoj, prit
Примери:
Премиерот ќе прими странска делегација.
4. Земе во постапка нешто предадено, доставено по службен пат.
Англиски: receive Албански: pranoj
Примери:
Архиварката го прими пристигнатиот материјал.
5. Прифати, воведе, вклучи во свој состав, зачлени.
Англиски: accept Албански: pranoj
Примери:
Него го примија во подмладокот на фудбалскиот клуб.
6. Стане следбеник на некоја религија.
Англиски: accept Албански: akceptoj
Примери:
Тој го прими христијанството.
7. Добие нешто што е упатено, испратено, наменето.
Англиски: receive Албански: pranoj
Примери:
Тој ја прими дипломата за завршените студии.
Децата примија новогодишни подароци.
8. Добие, земе како приход.
Англиски: receive Албански: pranoj, merr
Примери:
Тој ја прими првата плата.
Тој го прими авторскиот хонорар за книгата.
9. Назначи на служба некого, земе на работа, вработи.
Англиски: employ Албански: punëson
Примери:
Тој го прими момчето во својата фирма.
10. Прифати нешто на определен начин, реагира на нешто.
Англиски: appoint Албански: pranoj, merr
Примери:
Со голема претпазливост ја примија веста за новите настани.
Работникот со резерва ја прими понудата за новото работно место.
Публиката воодушевено ја прими новата театарска претстава.
11. Сфати нешто како факт, како вистина.
Англиски: accept Албански: akceptoj
Примери:
Смртта на детето, мајката не можеше да ја прими како вистина.
Сето тоа го прими како неминовност.
12. Обезбеди престој, ноќевање, засолниште и сл.
Англиски: accommodate Албански: akomodoj
Примери:
Тој замоли да го примат само една вечер на спиење.
Нашата држава ги прими бегалците.
13. Преземе, прифати нешто што му се предлага.
Англиски: accept Албански: akceptoj
Примери:
Ја прими дожноста за амбасадор.
Ја прими одговорноста за неуспехот и си даде оставка.
14. Прифати, одобри, усвои нешто.
Англиски: accept Албански: pranoj
Примери:
Тој прими совет од лекарот.
Ја прими работната задача без поговор.
Го прими предлогот за изработка на нов проект.
15. За просторија - збере, собере.
Англиски: accommodate Албански: akomodoj
Примери:
Ресторанот може да прими стотина гости.
16. Земе, добие нешто при лекување (лек, вакцина, инјекција).
Англиски: receive Албански: merr, pranoj
Примери:
Болниот прими неколку инјекции и температурата се намали.
Кучето прими вакцина против беснило.
Пациентот прими терапија.
17. (се прими) Се согласи да прифати некоја должност, работа и сл.
Англиски: appoint Албански: pranoj
Примери:
Тој се примил за командант на четата доброволци.