а   б   в   г   д   ѓ   е   ж   з   ѕ   и   ј   к   л   љ   м   н   њ   о   п   р   с   т   ќ   у   ф   х   ц   ч   џ   ш

подготви

подготват; подготвија; подготвил; подготвен; (ќе) подготвел
Вид збор: Глагол, свршен
Ранг: 1890
1. Направи, приготви однапред за постигање на некоја цел, намена.
Англиски: prepare Српски: припремити Албански: përgatiti
Примери:
Владата подготви неколку мошне важни закони од сферата на економијата.
Механичарите го подготвија авионот за лет.
Земјоделците ја подготвија земјата за есенска сеидба.
Тој подготви појадок за себе и за сестра си.
Слично со: спреми (св.)
2. Обучи за вршење на некоја работа, дејност.
Англиски: educate Албански: edukon
Примери:
Тој добро го подготвил испитот.
Слично со: обучи (св.)
3. Создаде услови за осознавање на некоја вистина.
Англиски: prepare Албански: përgatit
Примери:
Социјалните работници ги подготвија децата пред да им ја соопштат вистината за нивните родители.
4. (се подготви) се спреми, се приготви
Англиски: ready Албански: gati
Примери:
Спортистите се подготвија за стартот на новата сезона.
Земјоделците се подготвија за есенската сеидба.
Таа се подготви набрзина за состанокот.
Тој добро се подготви за испитот по биологија.
Слично со: приготви (св.)
Изведенки
1. подготвува несв.
(се) подготвуваат
2. подготвување ср.
глаг. им.