а   б   в   г   д   ѓ   е   ж   з   ѕ   и   ј   к   л   љ   м   н   њ   о   п   р   с   т   ќ   у   ф   х   ц   ч   џ   ш

кат

мн. катови
Вид збор: Именка, машки род
Ранг: 1071
1. Место каде што се составуваат два ѕида во некаква просторија.
Англиски: angle Албански: kënd
Употреба: Архитектура и градба
Примери:
Тој се сврте и дури сега забележа оти во најтемниот кат седеше една баба.
Во еден мрачен кат светеше сјаен автопортрет.
Слично со: агол (м.)
2. Место покрај огништето во селска куќа.
Англиски: corner Албански: kënd
Примери:
Го симна котлето и седна до катот на огништето.
3. Дел од куќата меѓу два тавана, етаж во зграда.
Англиски: floor Турски: kat Албански: kat
Употреба: Архитектура и градба
Примери:
Пајтонот пристигна пред една жолта зграда на два ката.
Горниот кат од дуќанот беше полн со поситна стока.
Слично со: етаж (м.)
4. слој, ред
Англиски: layer Турски: kat Албански: shtresë
Примери:
Носеше шајачен елек чии рабови се опшиени во три ката со гајтан.
5. пар облека
Англиски: pair Турски: kat Албански: palë
Примери:
Еден кат алишта.
Слично со: чифт (м.) , рало (ср.)
6. Како степен: пат, пати.
Англиски: times Турски: kat Албански: hise, her
Употреба: Дијалектен збор
Примери:
Сто катови полошо.