а   б   в   г   д   ѓ   е   ж   з   ѕ   и   ј   к   л   љ   м   н   њ   о   п   р   с   т   ќ   у   ф   х   ц   ч   џ   ш

допре

допрат; допрам; допри, допрете; допрев, допреа; допрел, допреле; допрен
Вид збор: Глагол, свршен
Ранг: 746
1. Чепне, фати нешто, приближи нешто до друго нешто.
Англиски: touch Албански: prek
Примери:
Ја допре по косата.
Расеано си ги допрел џебовите.
Го допрев своето лице до иконата.
2. Досегне до нешто, до некаде.
Англиски: reach
Примери:
Водата му допираше до колената.
Мрежите допреа дваесетина метри длабоко во водата.
3. Дојде до сетилата, до свеста.
Англиски: sense
Примери:
До нас допре слаб удар.
Откај езерото допреа извиците на рибарите.
Од собата допрела миризба на топла погача.
4. Засегне, опфати нешто.
Англиски: reach
Употреба: Преносно значење
Примери:
Проблемите тешко можеа да допрат до него.
5. (се допре) Се чепне, се фати за нешто, се потпре на нешто; е во допир со нешто.
Англиски: touch
Примери:
Со двете раце се допрел до оградата.
При пливањето се допреа со нозете.
Со едната нога се допрел до земјата.
Тие се допреа со лактите.
6. (се допре) Се засегне, се опфати нешто; е близок во нешто.
Англиски: touch
Примери:
Ние само се допревме до тоа прашање и го поставивме на дискусија.
Глаголот се допира со придавката преку партиципните форми.
Изведенки
допирање ср.
глаг. им.