а   б   в   г   д   ѓ   е   ж   з   ѕ   и   ј   к   л   љ   м   н   њ   о   п   р   с   т   ќ   у   ф   х   ц   ч   џ   ш

одврати

одвратат
Вид збор: Глагол, свршен
Ранг: 3742
1. Направи вратка, возврати на ист, соодветен начин на нешто направено од некого.
Англиски: respond Албански: përgjigje
Примери:
Ако ме удриш, ќе ти одвратам.
На насмевката му одврати со насмевка.
2. Врати со одговор, одговори на нешто кажано од некого.
Англиски: answer Албански: përgjigje
Примери:
Јас го поздравив, а тој ми одврати со пцости.
Старецот одврати со спокоен глас.
Вистина е – одврати девојката.
3. Оттргне од некаква намера, работа, наговори некого да не прави нешто што навикнал или намислил да го прави.
Англиски: dissuade Албански: zhbind
Примери:
Таа ме одврати од намерата да заминам.
Одвај го одвративме синот од женидба.
4. Одвои, оддалечи од некого или од нешто.
Англиски: distract Албански: largoj
Примери:
Тој ме одврати од децата.
Таа го одврати од другарите.
Сакаше да го одврати од лошите мисли.
5. Заврти, сврти настрана од определениот правец, насочи кон нешто друго.
Англиски: turn Албански: kthej
Примери:
Го одврати лицето настрана, да не гледа во болниот.
Го одврати погледот од прозорецот и се замисли.
Ми го одврати вниманието од работата.
6. За вода - одбие, сврти, промени тек.
Англиски: turn Албански: kthej
Примери:
Воденичарот ја одврати водата од воденицата за да го поправи мелничкото тркало.
Селаните ја одвратија реката за да не им ги поплави насадите.
7. Добие влага.
Англиски: moisten Албански: njomet
Примери:
Таа го чувала брашното во пластични кеси и тоа одврати.
8. (се одврати) Се оттргне, се откаже од нешто.
Англиски: give up Албански: dorëzoj
Примери:
Тој се одврати од пијанството.
Децата се одвратија од играта.
9. (се одврати) Ми (ти, му...) се згади, почувствува одвратност.
Англиски: disgust Албански: neveri
Употреба: Безлично
Примери:
Ми се одврати од мирисот што доаѓаше од кујната.
Изведенки
1. одвратува несв.
(се) одвратуваат
2. одвратување ср.
глаг. им.
3. одвраќа несв.
(се) одвраќаат
4. одвраќање ср.
глаг. им.