што

Вид збор: Заменка
Ранг: 79
1. (прашална заменка) Во директно - и во индиректно прашање, со сврзничка употреба во дополнителни реченици.
Англиски: what Српски: што Албански: pyet
Примери:
Што сакаш ти од мене?
Што е тоа?
Што ти е?
Што станува со тебе?
Што правиш, како си?
Што има ново?
Што има, што нема?
Што сум јас крив?
Прашај го што сака.
Не знаеше што да каже.
2. со предлози
Примери:
Од што се плашиш?
Со што се пресече?
За што станува збор?
(разг.) нема што
Што ќе правиш!
3. (без глаголи) што? а што?
Примери:
Сакам да купам нешто - што?
Ни самиот не знам што.
4. Каков - во директно или индиректно прашање за својствата на лица и предмети.
Примери:
Можеш ли да ми кажеш што човек е тој.
Што зборови слушна од него?
Сакам да знам што живот нè чека.
Да видиш само што куќа сме изградиле!
5. За израз на восхит, чудење, незадоволство и слично - колку добар, лош, голем итн. Придавката е отсутна, но својството се подразбира од контекстот.
Примери:
Ех, што човек беше татко ти!
Што маж, што јунак!
(поет.) Да знае цвеќено мало / што рана на срце носам.
6. (релативна заменка) Кој, која, кое, кои - за лица и предмети - без предлог; има далеку поширока употреба од заменката „кој“, која се јавува обично во вметнати реченици особено кога се однесува на име на лице и во разни случаи од стилски и друг карактер.
Употреба: Неменлив збор
Примери:
Кој си ти што ја крадеш пченицата?
Куќата што ја купи брат ти.
Сите што беа на свадба.
Кажи ми сè што знаеш.
Што е мое, не е твое.
Што ќе ми е тоа?
7. (релативна заменка) Може да се однесува и на цела реченица.
Употреба: Неменлив збор
Примери:
Есента беше многу врнежлива, што доведе до влошување на неговата здравствена состојба.
(разг.) Било што било. Што не, што ли не.
Што не (видов таму).
Што (и) да е, што (и) да било.
Што и да...
Што и да кажеш, нема да ти верува.
Што и да правиш.
Што сака нека биде!
Што е уште полошо.