покаже

покажат; покажи, покажете; покажав, покажа, покажаа; покажал, покажан; покажев, покажеа; покажел
Вид збор: Глагол, свршен
Ранг: 290
1. Направи нешто да може да се види, изнесе јавно.
Англиски: show Албански: shfaq
Примери:
Таа ги покажа своите најнови фотографии.
Тој ја покажа својата збирка марки.
Ќе ви покажам како се прави тоа.
Слично со: објави (св.)
Спротивно од: скрие (св.)
2. Посочи, укаже на нешто, обично со гест.
Англиски: point Албански: demonstron
Примери:
Таа ни покажа со раката каде треба да седнеме.
Тој со очите покажа дека му е страв.
3. Објасни, посведочи, потврди нешто.
Англиски: explain Албански: shpjegon
Употреба: Преносно значење
Примери:
Анализата покажа дека дијагнозата е точна.
Нашите истражувања покажаа дека станува збор за плагијат.
Ние покажавме дека вистината е на наша страна.
Времето ќе покаже кој грешел.
4. означи, измери
Англиски: show Албански: tregon
Примери:
Топломерот покажуваше многу висока температура.
Часовникот покажа 2 часот.
Ќе видиме што ќе покаже кантарот.
Слично со: означи (св.)
5. При закана - казни, се одмазди некому.
Англиски: show Албански: hakmerret
Употреба: Преносно значење
Примери:
Ќе ти покажам јас тебе кој е главен овде!
6. (се покаже) Стане видлив, се појави.
Англиски: appear Албански: duket
Примери:
Девојката се покажа на прозорецот.
На небото се покажаа првите ѕвезди.
Пред нас се покажа прекрасна глетка.
На нејзините усни се покажа насмевка.
Слично со: појави (св.)
Спротивно од: исчезне (св.)
7. (се покаже) Се појави, се претстави со некоја особина, својство.
Англиски: prove Албански: paraqet
Употреба: Преносно значење
Примери:
Тој се покажа многу мудар.
Работата се покажа многу добра.
Ние се покажавме храбри.
8. (само 3. л.) (се покаже) Стане јасно, се открие нешто.
Англиски: show Албански: tregon
Примери:
Се покажа дека тој е голем измамник.
Се покажа дека е доцна за нови обиди.
Слично со: разјасни (св.)
Изрази
Покаже врата - изгони, избрка некого.
Изведенки
1. покажува несв.
покажуваат
2. покажување ср.