вовре

воврат; воври, воврете; воврев, вовреа; воврел; воврен
Вид збор: Глагол, свршен
Ранг: 9539
1. Стави, вотне, пикне нешто некаде.
Англиски: stick Албански: fut
Примери:
Не можеше да ја вовре петлицата во иликата.
Ги вовреа главите в снег.
Го воврел вратот во гуњата.
Слично со: вотне (св.) , пикне (св.)
2. (се вовре) Се пикне, се вотне некаде.
Англиски: slip Албански: futet
Примери:
Забележа како се вовреа низ честарот.
Некој црв се воврел во гнилите штици.
3. (се вовре) навлезе, продре
Англиски: slip Албански: depërtoj
Употреба: Преносно значење
Примери:
Во душата и се вовре пријатно чувство.
Во гората тихо се вовре мрак.
Изведенки
1. воврува несв.
(се) вовруваат
2. воврување ср.