види

видат; видете; видов, виде; видовме, видиме, видиш, видоа; виден; видев, видеа; видел
Вид збор: Глагол, свршен
Ранг: 84
1. Насочи поглед кон нешто, опфати со сетилото за вид.
Англиски: see Српски: видети Албански: shoh Бугарски: виждам
Примери:
Оддалеку видоа дим што се дигаше од селото.
На саемот виде многу нови производи.
Од ридот го видоа езерото.
Слично со: гледа (несв.)
2. Здогледа, забележи некого или нешто.
Англиски: see Албански: shikoj
Примери:
Видовме како идат сватови.
Тој нè виде кога влегувавме.
На патот виде две жени.
Слично со: здогледа (св.) , забележи (св.)
3. Сретне, се најде со некого.
Англиски: meet Албански: takim
Примери:
Ако го видиш, кажи му да дојде.
Слично со: сретне (св.)
4. доживее, почувствува
Англиски: experience Албански: përjetoj
Примери:
Кај си видел ваква убавина!?
Што мака виде од мене?
Од мојот имот јас никаква корист не сум видел.
Слично со: доживее (св.)
5. Посети некого.
Англиски: visit Албански: vizitoj
Примери:
Дојдовме да ве видиме.
6. увиди, разбере, сфати, најде, согледа
Англиски: realize Албански: kuptoj
Примери:
Видов дека со плачење не бидува ништо.
Тогаш видов дека така не може.
Слично со: сфати (св.) , увиди (св.)
7. Дознае, разбере нешто.
Англиски: find out Албански: zbuloj
Примери:
Видете што се случува надвор.
Само да видиш какви златни деца се.
Слично со: дознае (св.)
8. проследи, разгледа
Англиски: look into Албански: shqyrtoj
Примери:
Сега ќе видиме како ќе се одрази тоа на работата.
Слично со: разгледа (св.)
9. (се виде) Се опфати себеси со сетилото за вид.
Англиски: view Албански: sheh
Примери:
Се виде во огледало.
10. (се виде) Се сретне, се состане со некого.
Англиски: meet Албански: takohet
Примери:
Со него се видов на станица.
11. (се виде) Се почувствува некако.
Англиски: feel Албански: ndihet
Примери:
Се виде себеси невеста.
Се виде измамен.
12. (се виде) Му се стори, му се причини дека нешто се случило или дека ќе се случи.
Англиски: imagine Албански: imagjinon
Употреба: Безлично
Примери:
Му се виде полесно.
Ми се виде долг патот.
13. (несв.) (се виде) Не се гледа, не може да се гледа.
Англиски: see Албански: nuk shhihet
Примери:
Во визбата не се види, темно е.
Изрази
Виде аир - стекне нешто добро.
Да види бел ден (бело видело) - да види арно во животот.
Виде колку е саатот - сфати што се случува.
Види лошо (зло, неарно) - доживее нешто неубаво, непријатно.
Виде-невиде - реши да стори нешто немајќи друг излез.
Види со очи - биде присутен, е сведок.
Види фајде - има полза.
Види што да види (види што ќе види) - изразува: чудење, жалење, болка за нешто што се случило неочекувано.
Вид се не види - загине без трага, исчезне.
Ни се чуло, ни се видело - станува нешто невозможно.
Ќе му ги види опинците / грбот - нема повеќе да го види, ќе замине, ќе избега, ќе исчезне.
Само да ми го видат очите - закана.
Види свет - прошета низ светот, надвор од местото на живеење.
Да види Господ - при исчудување.
Кога ќе си го видам тилот - никогаш.
До видување - поздрав.
Едно видување - еден век - средбата пари вреди, сега се видовме па кој знае кога.
Ми се види - гледам, не сум слеп, можам да видам.