Колокации | Дигитален речник на македонскиот јазик

Реков за бунарот. Беше мака, немаше вода блиску до црквата и стана муабет да се ископа бунар.

„Бунар“ од Димитар Башевски (2001)

Одовде сѐ е полесно, подостапно и - блиску до целта. Ситниот дожд не пречеше, дури беше пријатно.

„Патувања“ од Никола Кирков (1982)

Боце превртува еден лист понатаму, поблиску до пропаста на светов, без да му дава некое внимание на неговото докажување.

„Послание“ од Блаже Конески (2008)

Ката, пак ниту сакаше да ја сретне, ниту можеше да ја трпи блиску до себе.

„Толе Паша“ од Стале Попов (1976)

Андон направи чекор-два поблиску до тезгето. Во раката му блесна сребрена десетдинарка...

„Бојана и прстенот“ од Иван Точко (1959)

Потоа, кога нашите ќе отстапеа во шумата, тие излегуваа од окопите, ги собираа на куп убиените, ги натураа со бензин и ги палеа.

„Потковица на смртта и надежта“ од Миле Неделкоски (1986)

Македонските војници, млади селани-партизани, во есента 1944-та, јуришаа по голините за да ги освојат нивните утврдувања, а тие, откако ќе ги пуштеа блиску до себе, ги косеа.

„Потковица на смртта и надежта“ од Миле Неделкоски (1986)

Таа седна блиску до него, раздрагана, нестрплива, допирајќи го.

„МАРГИНА бр. 1“ (1994)

(7) Прашањето за тоа дали овие разлики биле таму (заедно на куп длабоко внатре ентитетот, чекајќи да бидат изнесени на светлина од страна на ископувачите деконструктивци), или се во ентитетот откако феминистките го завршија преобликувањето на ентитетот во социјална градба, поблиску до нивната срдечна желба, ми изгледа воопшто неважно.

„МАРГИНА бр. 1“ (1994)

Така е и со тагата. Тагата можеш да ја почувствуваш само кога ти е блиску до срцето, кога ѝ дозволиш да те опседне.

„Мудрецот“ од Радојка Трајанова (2008)

-Тоа изгледа како суштина на животот – потврди Еразмо. -Многу си блиску до тоа.

„Мудрецот“ од Радојка Трајанова (2008)

- Не. Но, никогаш, немој да стоиш блиску до неа!

„Мудрецот“ од Радојка Трајанова (2008)

А каде е таа Полска? Се прашувавме. Далеку или блиску до нашите места?

„На пат со времето“ од Петре Наковски (2010)

Во воз сум кој изгледа како да е од повоена Русија, седиштата од чија утроба ѕиркаат потемнети сунѓери и зарѓани пружини, прозорци кои не се сеќаваат кога последен пат биле отворени, реа на мочка (купето е изгледа блиску до ВЦ-то), и завеси со кириличен акроним, тромави од насобраната прашина.

„Најважната игра“ од Илина Јакимовска (2013)

Почувствував како се олабавува стисокот на рацете на брат ми.

„Сестрата на Сигмунд Фројд“ од Гоце Смилевски (2010)

„О, каква страст,“ наеднаш се слушна блиску до нас гласот на Августина.

„Сестрата на Сигмунд Фројд“ од Гоце Смилевски (2010)

21. Приврзаниците на таа теорија пак се подразделуваат: 1. на коишто кажуваат оти тоа средно е еднакво далеку и од Србите и од Бугарите; 2. оти тоа е поблиско до Србите; 3. оти е поблиско до Бугарите; 4. оти дел е поблиско до Бугарите, дел – до Србите.

„За македонцките работи“ од Крсте Петков Мисирков (1903)

Штом ќе се види оти таа никојпат нема да биде српска, Србите ќе можат да се одвратат од своите утврдувања дека Македонците се Срби и ќе ги признаат за одделно словенско племе, еднакво блиско до Србите и до Бугарите. 126 И така, македонската национална преродба е настапен историски процес што има под себе јака почва и голема иднина.

„За македонцките работи“ од Крсте Петков Мисирков (1903)

Таа блискост на едно наречје се пројавува, од една страна, кон сите други македонски наречја во општите фонетски или звуковни, морфолошки или формени и лексички или зборовни особини; од друга страна, секое наречје е најблиско до неговите соседни наречја, имајќи со нив општи особини што се немаат во пооддалечените од него други наречја, и тоа западниот дел од наречјето е поблиско до неговиот западен сосед и со него тукуречи се слеваат, источниот до источниот итн. и така наречјата како да се врзани едно со друго како колцата во еден синџир.

„За македонцките работи“ од Крсте Петков Мисирков (1903)

Од Стамбул телеграфираат во разни европски новини (Standard) оти англиската и француската средоземна флота добиле повела да се наоѓаат блиску до македонските води.

„За македонцките работи“ од Крсте Петков Мисирков (1903)

Првиот пат кога слушна пукотници во далечината која беше доволно блиску до мирот во кој живееше и од кој спокојно можеше да филозофира за состојбата во земјата, се стресе.

„На пат кон Дамаск“ од Елизабета Баковска (2006)

Блиску до интересот на поетесата Олга Наумовска мотиви од цврстата љубов кон татковината, мотиви од вестените интимни победи на срцето, блиско ѕиркање во структурираните поетски форми од типот на хаику песни, но и детската разиграност исполнета со блага ненаметлива рима и изрази кои соодветствуваат со совремието во кое живееме.

„Поетски блесок“ од Олга Наумовска (2013)

„Си беше еднаш еднаш едно убаво русокосо девојченце кое живееше блиску до шумата“, почна да чита мајката, како суптилен вовед во успивањето, кое тој го презираше.

„Сонце во тегла“ од Илина Јакимовска (2009)

Но, кога оној беше на средината од долината, доста блиску до него, и кога застана тука и се собра во едно сиво перниче со натулени уши, сиот престорен во прислушкување, Змејко дури тогаш зеде да се подготвува.

„Белата долина“ од Симон Дракул (1962)

Во актот се соопштуваше и ова: во една улица, блиску до центарот, млад мршав човек го чекал валијата.

„Пустина“ од Ѓорѓи Абаџиев (1961)

И сѐ повеќе и поодредено го сеќаваше блиску до себе.

„Пустина“ од Ѓорѓи Абаџиев (1961)

Јас сум блиску до окопите. Пушките не работат.

„Пиреј“ од Петре М. Андреевски (1983)

Си зема сливи од таблата и си мези со ракијата. а таа пуста слива е блиску до патот.

„Пиреј“ од Петре М. Андреевски (1983)

таму ќе ни судат и така не засурмуваат во вагонот небаре добиток за продавање и клан, клун, клан, клун, лазаме за Софија пооди, пооди, - запри, па пак тргни, а ништо не гледаме, имаше само една дупка во отворче одозгора, над нас и не знаеш кога се стемнило, а си заборавил кога било дење, денот и ноќта си ги смешале нозете, ги избришале границите и не знаеме дали сме поблиску до денот или до ноќта, само некогаш ќе подотвори некој, ќе ти остави кофа со вода и по едно лепче - камче за да ти ги скрши забите и пак ќе ја тргне вратата, ќе го штракне лостот, штрангата, а ние ќе го топиме 118

„Пиреј“ од Петре М. Андреевски (1983)

Е, токму на спојот на двата звука, тука блиску до соколааната, беше зборното место на Радица, матурантка во Економското училиште, и Роска, ученичка во Чевларското училиште.

„Последната алка“ од Стојан Арсиќ (2013)

- Нема да поверуваш Јана, сега сум многу блиску до нашиот крај.

„Последната алка“ од Стојан Арсиќ (2013)

И самата не знаеше како ѝ избегаа од устата тие пакосни зборови што беа толку блиску до клетва и прокоба.

„Црни овци“ од Катица Ќулавкова (2012)

Долго и мачно ѝ врвеше времето на Ѓувезија Дубровска.

„Црни овци“ од Катица Ќулавкова (2012)

Можеш ли уште еднаш барем да ги поместиш карпите меѓу нас, уште еднаш да бидеш блиску до мене...

„Разминувања“ од Виолета Петровска Периќ (2013)

Ако ме заборавиш Вечерва месечината е со чудна боја... а нејзината сенка ѕирка низ мојот прозорец... се обидувам некако да ја допрам. чинам ако ја допрам ќе сум блиску до тебе... зошто толку си ми далеку, колку ѕвездите .... како една најубава ѕвезда која ме мами...

„Разминувања“ од Виолета Петровска Периќ (2013)

Ме обзеде нова доза страв, ме обли студена пот, но и чувство на некаква храброст оти сум блиску до амбасадата! И тоа чувство ме тераше напред.

„Амбасади“ од Луан Старова (2009)

Можеби сепак не го следи; можеби е случајност што седи толку блиску до него два дена едноподруго.

„1984“ од Џорџ Орвел (1998)

Тој ја привлече поблиску до себе.

„1984“ од Џорџ Орвел (1998)

Шаховската табла секогаш го чекаше, неговата маса во аголот беше секогаш резервирана; дури и кога местото беше полно, тој седеше сам покрај неа, затоа што никој не сакаше да биде виден како седи блиску до него.

„1984“ од Џорџ Орвел (1998)

Во преградата отспротива вредно работеше еден мал, на изглед прецизен, темномурест човек по име Тилотсон, со превиткан весник на коленото и со устата сосем блиску до микрофонот.

„1984“ од Џорџ Орвел (1998)

Кога Винстон се разбуди, стрелките на часовникот се беа прикрале блиску до девет.

„1984“ од Џорџ Орвел (1998)

Имаше некаква пресметана крволочност во очите на момчето, сосем јасна желба да го удри или да го ритне Винстон и свест дека е многу блиску до возраста за да го стори тоа.

„1984“ од Џорџ Орвел (1998)

А во таа таква опстановка, требаше да знам дека тоа е нормално и дека кучето сигурно е тука, блиску до влезот.

„Братот“ од Димитар Башевски (2007)

Седнува на прагот блиску до него, отпива и му вели: Ќе одиме ли денес по риба?

„Братот“ од Димитар Башевски (2007)

Да си седиме мирно. Да сме си блиску до домата наша...

„Молика пелистерска“ од Бистрица Миркуловска (2014)

Рацете спружени ни се гранки растреперени, од ветришта потфатени... ама ние на полпат ќе се прегрнеме - ќе се исплачеме - Дење ми ходиш блиску до мене, ноќе ми легнуваш на десната рака, на десната рака, на правата страна...

„Молика пелистерска“ од Бистрица Миркуловска (2014)

Даскалот Бино ја наведна главата. И додека по малку се надеваше да го поканат да си го земе старото место — даскаллакот, една вечер го најдоа во Село Манастир неколцина четници — поправо воени дезертери што ги бркаа со Јована — и го фрлија жив од една стена блиску до селото, во еден длабок процеп, од каде што ни орлите не можеа да го изнесат.

„Крпен живот“ од Стале Попов (1953)

Тоа еден на друг не си го доверија, но веруваа дека Французите, сега кога се толку блиску до своите домови, сепак ќе ги пуштат.

„Будалетинки“ од Мето Јовановски (1973)

Го остави послужавникот на столчето блиску до вратата и дојде до масата прво да се поздрави со гостите.

„Будалетинки“ од Мето Јовановски (1973)

„Горда сум и ти завидувам, тоа е поблиску до вистината“, рекла таа. „Смеам ли?

„Лек против меланхолија“ од Реј Бредбери (1994)

И уште повеќе кога виде дека нема никого блиску до него.

„Луман арамијата“ од Мето Јовановски (1954)

1. Преобразби „Срцето ме влече да ги опеам преобразбите во други тела“,23 на Ѓаволот конецот намотан на макара да го замрсувам јазикот да го вртам вртоглаво на врвот врв да најдам во коцката, коцка-бесконечност во кругот, точка-вселена за габите легло, да го откријам -пред да пропеат првите петли- мистериозниот отпечаток, совршено обол божјата преса по европските полиња додека житото живее знак дава човекот да се прилагоди на чуда и да мисли низ чудеса небаре сѐ е од два краја составено на два раздвоено, непостојано хаос и космос секаде и секогаш отровен и неотровен свет двојници свет условно отворен на слобода пуштен за да биде поблиску до смртта најаве одошто теориски.

„Ерато“ од Катица Ќулавкова (2008)

Твојот глас ме буди во силен вресок.

„Жонглирање со животот во слободен пад“ од Сара Трајковска (2012)

-„Колку може да биде скапа надежта на двајца млади луѓе?“

„Жонглирање со животот во слободен пад“ од Сара Трајковска (2012)

Те чекав на крајот од сонот, беше толку блиску до мене, го допирав твоето лице, на глас го изговарав твоето име, ти го чувствуваше мојот копнеж да те претворам во совршенство.

„Жонглирање со животот во слободен пад“ од Сара Трајковска (2012)

Нашите души се едно, твоите насмевки се блиску до мене.

„Жонглирање со животот во слободен пад“ од Сара Трајковска (2012)

Ама, се рекло дека со гордоста си само поблиску до гробот.