разен (прид.) - стока (имн.)

Првин докуцка низ Одун-пазар, па низ Туз-пазар, и колку што ќејф му направи што овие пазаришта си имаа одделни делови за разна стока, толку и некоја с'калма го фати: крупните ајвани од ајван-пазар, иако големи, му изгледаа осамени така одделени од ситнежот во којин-пазар; сушените риби пак од балук-пазар уште поосамени што не можат да се наредат како украс крај маќениците, урдата, сирењата и топките овча маст на чомлек-пазар.
„Вежби за Ибн Пајко“ од Оливера Николова (2007)
Не пропушташе ниеден пазар во Битола, ниеден панаѓур во Солун, а да не оди таму со цели карвани коњи и магариња, а едно време и со камили, натоварени со разни стоки.
„Бојана и прстенот“ од Иван Точко (1959)
Младен Чкулот, иако претепан, направи добра трговија. Купи пошто зошто од разни сиромаси разна стока: овци, волови, крави, прасиња, телиња —само да им „услужи" да ги сместат парите.
„Толе Паша“ од Стале Попов (1976)
На еден крај од пазариштето како поодделна од другите продавачи стоеше голема група од селани со разна стока; говеда, волови, коњи, кобили, магариња.
„Калеш Анѓа“ од Стале Попов (1958)
Носеа и разна стока од Албанија, купена или опљачкана.
„Волшебното самарче“ од Ванчо Николески (1967)
На Рива Руж, шеталиштето сместено до самата песочна плажа, беа распоредени тезги со разна стока.
„И ѓаволот чита пРада“ од Рада Петрушева (2013)
Солун е преполн со разна стока и излозите се убаво аранжирани, што привлекуваат секого.
„Патувања“ од Никола Кирков (1982)
Кога ја одврза црната шамија и светнаа златните лири, Арслан задоволно ги протрлка дланките од своите меки раце и го опомена Трајка да не ги брои: — Брак, коџабаши, брак!
„Толе Паша“ од Стале Попов (1976)