преокупиран (прид.) - со (предл.)

Веќе не сум преокупиран со гладот или вошките, носам испрани и чисти алишта, повеќето сум во костумот што ми падна на лотарија во Гаково, косата измиена и со патец настрана, снагата капена во бањата кај градската болница, а не сум ни гладен, бонлук леб и мрсно, па кога се враќам од часови, сечам голема фелка леб, ја мачкам со сало и врз неа ставам леени колбаси, едно или две куси коматчиња.
„Исчезнување“ од Ташко Георгиевски (1998)
Тие биле преокупирани со прашањето што “полесно“, што “побрзо“ и со што помалку жртви да го извојуваат ослободувањето на Македонија и затоа биле свртени кон оние и такви средства што, според нив, требало да го обезбедат тоа.
„Солунските атентати 1903“ од Крсте Битоски (2003)
Тагоре бил преокупиран со „апстрактната“ природа на нацијата.
„МАРГИНА бр. 4-5“ (1994)
Сега не постоеше ништо друго. Од ова нешто сиот свет беше изместен од неговиот видокруг, и мислата му беше целосно преокупирана со тоа.
„Невестата на доселеникот“ од Стојан Христов (2010)
Велешкиот кружок, задоен со неверојатна омраза кон неправдата, бил преокупиран со прашањето за брзото и „лесно“ ослободување на Македонија.
„Солунските атентати 1903“ од Крсте Битоски (2003)
Но во тој момент, самиот тој беше преокупиран со друго.
„1984“ од Џорџ Орвел (1998)