обичен (прид.) - хартија (имн.)

Веројатно во него на прво место била веста за да се израдува татко - дека веќе ги посетувам часовите во машката гимназија Цветан Димов , а потоа за тоа дека парите што ги носев со себе веќе ми се при крај, дека повеќе сум гладен отколку сит ( леблебија за 20 динари), дека кај Нанчо спијам на гола земја откако ја сметувам косата што ја стрижи преку ден, ама дека и тоа во последно време сака да ми го откаже оти не му е пријатно да бидам сведок на она што го прави со некои прибрани жени од железничката станица во заградениот дел со обична хартија за завиткување!
„Исчезнување“ од Ташко Георгиевски (1998)
Но, за него, овие листови кои, при допир со светлината и со неговите прсти, трепереа, не претставуваа обична хартија со речиси исчезнати знаци на ракописот, туку беа животи на луѓе, сведоштва и тајни на народи.
„Тврдина од пепел“ од Луан Старова (2002)