голем (прид.) - празник (имн.)

Ако не е излезена, ќе прилегне да ја дочека, та да оди в црква, да ги извести верните за големиот празник — воскресението на божиот син.
„Крпен живот“ од Стале Попов (1953)
И навистина, ете, пред големиов празник во Чебрен се заврвеа поклоници — болни, неволни — со десетици.
„Крпен живот“ од Стале Попов (1953)
Пред големите празници почна поштедро да ги дарува сиромашните фамилии.
„Бојана и прстенот“ од Иван Точко (1959)
Голем празник за нашата куќа требаше да биде и последната средба од работата на Татко и Климент Камилски за конечното составување на листата на стоте (без)опасни османизми во балканските јазици, посебно на последната средба посветена на заемките од областа на гастрономијата.
„Балканвавилонци“ од Луан Старова (2014)
Беше договорено до пладне Татко и Камилски да работат врз источните заемки во областа на гастрономијата, а потоа да продолжат со заедничкиот ручек со сопругите, подготвен според заемките на најчестите и највкусните јадења, кои со векови ги обележуваа балканските кујни.
„Балканвавилонци“ од Луан Старова (2014)
Најтешко ми беше во време на големите празници.
„Друга мајка“ од Драгица Најческа (1979)
Доаѓа Голема Богородица, како што рече онаа жена, големиот празник, и зарем не би било најдобро токму пред празникот да се залее првата кофа!
„Бунар“ од Димитар Башевски (2001)
И така, во тие натчовечки нагризувања на студените одаи, човекот и каменот сраснувале еден во друг: за дел топлина карпите им подарувале на луѓето студенило што ќе го носат во своето месо додека се живи.
„Тврдоглави“ од Славко Јаневски (1990)
Нивните намачени и искривени коски биле мала историја на една доба и на еден живот и, ако може така да се објасни, челата им се облевале со сонце само во дните на големите празници; тогаш седеле крај трпеза и уживале во празничната ослободеност на коските и на жилите.
„Тврдоглави“ од Славко Јаневски (1990)
Дека го опоменуваа и неговите роднини и шамашот на нивниот каал, кој секој петок пред шабат и особено на Големите празници ги буди луѓето потсетувајќи ги на нивните духовни обврски за денот што е пред нив.
„Светилка за Ханука“ од Томислав Османли (2008)
СФЕ- ДЕН (СВЕДЕН) - свет ден, голем празник (Велигден, на пр.) ТАВМИН - претполагање, загатка, претпоставка, напамет (... погодуело по тавмин нишаните).
„Македонски народни приказни“ од Иван Котев (2007)
Долго време од камениот кеј ги гледавме, на тврдината остатоците од последната војна, старите топови од кои се пукаше во пресрет на големите празници на победниците: Први мај, Денот на победата, Денот на Армијата, Денот на Републиката.
„Времето на козите“ од Луан Старова (1993)
Но големиот празник? Сликите што ги чуваше за својата душа?
„Лек против меланхолија“ од Реј Бредбери (1994)
Од скромност јас нема да го посочам фактот дека на денот на моето раѓање биеја сите камбани и имаше општонароден восхит.
„МАРГИНА бр. 29-31“ (1996)
Злите јазици го сврзуваат тој восхит со некој голем празник, што се совпадна со денот на моето појавување на свет, но јас досега не сфаќам, каква врска има некаков си празник?
„МАРГИНА бр. 29-31“ (1996)