голем (прид.) - доверба (имн.)

И почнавме да опитваме за тоа што е тоа Дуреси, ама скришно и во голема доверба.
„На пат со времето“ од Петре Наковски (2010)
Во тебе имав голема доверба, ти имаше големо срце кое беше срце и на семејството.
„Ервехе“ од Луан Старова (2006)
По два часа, клекната крај мене на колена, со рацете и со главата во мојот скут, со голема доверба и со исчекување ми кажа дека ја добила првата менструација.
„Бунар“ од Димитар Башевски (2001)
Сметаше дека адвокатската професија, за која изучи и се обучи во Цариград, ќе го одржува на дистанца во земјата чиј режим брзо се менуваше, а правните институции не влеваа голема доверба.
„Ервехе“ од Луан Старова (2006)
Последното само три месеци, го одби од цицка, на голема доверба го остави на чичко ми и стрина ми.
„Три жени во три слики“ од Ленче Милошевска (2000)
Имаше голема доверба самарџијата кај своите муштерии, гледаше Бошко.
„Вежби за Ибн Пајко“ од Оливера Николова (2007)
Еве како Шатев го објаснува тој вистински интересен гест на Орце: Не само Орце Попјорданов, туку повеќето од гемиџиите се чувствувале морално задолжени кон Борис Сарафов, поради олеснувањата што ни ги правеше во материјален поглед уште од почетокот и поради големата доверба што ја уживаа кај него некои од нас, а особено Орце Попјорданов.
„Солунските атентати 1903“ од Крсте Битоски (2003)
Со умниот Делатр, во кого претседателот Ширак имаше голема доверба, успевавме да договараме значајни настани од билатералните односи помеѓу двете земји (посебно посетите на тогашниот претседател на Рерублика Македонија, Киро Глигоров, премиерот Бранко Црвенковски и други).
„Потрага по Елен Лејбовиц“ од Луан Старова (2008)